( অপূৰ্ব দাস )
পেনক্ৰিয়াছে শৰীৰত পাচন এনজাইম আৰু ইনচুলিন উৎপন্ন কৰে। অগ্নাশয়ৰ কোনো বিসংগতি হ’লে শৰীৰত বহু ধৰণৰ লক্ষণ দেখা দিবলৈ আৰম্ভ কৰে। ইয়াৰ বিষয়ে বিতংভাৱে জানিবলৈ পঢ়িব -
আমি অগ্নাশয়ৰ বিষয়ে কমকৈ হে জানো। অগ্নাশয় হৈছে শৰীৰৰ অন্যতম গুৰুত্বপূৰ্ণ অংগ। ই ইনচুলিনৰ নিঃসৰণ নিয়ন্ত্ৰণত সহায় কৰে। ইয়াৰ উপৰিও খাদ্য হজম কৰা পাচন এনজাইম উৎপাদনতো ই গুৰুত্বপূৰ্ণ ভূমিকা পালন কৰে। কিন্তু বহু সময়ত ভুল খাদ্যাভ্যাস আৰু দুৰ্বল জীৱনশৈলীৰ বাবে অগ্নাশয় আক্ৰান্ত হয়, যাৰ বাবে অগ্নাশয়ৰ ক্ষতি হ’বলৈ আৰম্ভ কৰে। পেনক্ৰিয়াটাইটিছ হ’ল এক গুৰুতৰ অৱস্থা, য’ত পেনক্ৰিয়াচ প্ৰদাহ হয়। এই সমস্যা হঠাতে হ’ব পাৰে (acute pancreatitis) বা দীৰ্ঘদিন ধৰি থাকিব পাৰে (chronic pancreatitis)। এনে পৰিস্থিতিত ইয়াৰ বিষয়ে সম্পূৰ্ণ তথ্য জনাটো অতি প্ৰয়োজনীয়।
পেনক্ৰিয়াটাইটিছ ৰোগৰ কাৰণ, লক্ষণ আৰু চিকিৎসাৰ বিষয়ে বিতংভাৱে তলত পঢ়িব -
পেনক্ৰিয়াটাইটিছৰ কাৰণঃ
পেনক্ৰিয়াটাইটিছৰ আক্ৰমণৰ প্ৰধান কাৰণসমূহ হ’ল পিত্তৰ পাথৰ, অধিক জ্বলা -মচলা, তেল জাতীয় খাদ্য, টেঙা খোৱা, অত্যধিক মদ্যপান, উচ্চ ট্ৰাইগ্লিচাৰাইড, কিছুমান ঔষধৰ পাৰ্শ্বক্ৰিয়া, অটোইম্যুন ৰোগ, পেটৰ আঘাত বা অস্ত্ৰোপচাৰ, আৰু জিনীয় কাৰক। যেতিয়া পিত্তপাথৰে অগ্নাশয়ৰ নলী বন্ধ কৰি দিয়ে বা দীৰ্ঘদিন মদ্যপানৰ বাবে অগ্নাশয়ৰ ক্ষতি হয়, তেতিয়া অগ্নাশয়ৰ আক্ৰমণৰ সম্ভাৱনা বৃদ্ধি পায়।
পেনক্ৰিয়াটাইটিছৰ লক্ষণঃ
• পেনক্ৰিয়াটাইটিছৰ লক্ষণসমূহ আৰম্ভণিতে মৃদু হ’ব পাৰে, কিন্তু সময়ৰ লগে লগে গুৰুতৰ হ’ব পাৰে।
• ছালৰ উজ্জ্বলতা নাইকীয়া হ'য়, সোনকালে বৃদ্ধ যেন দেখা যায়। পেটত গেছ -গেষ্ট্ৰিকে দেখা দিয়ে।
• ইয়াৰ আটাইতকৈ সাধাৰণ লক্ষণ হ’ল পেটৰ ওপৰৰ অংশত তীব্ৰ বিষ, প্ৰায়ে পিঠিলৈকে বিয়পি পৰে।
• এই বিষ হঠাতে আৰম্ভ হৈ ক্ৰমান্বয়ে বৃদ্ধি পাব পাৰে।
• কিছুমান ক্ষেত্ৰত খাদ্য খোৱাৰ পিছত এই বিষ বাঢ়ি যায়, বিশেষকৈ খাদ্য চৰ্বিযুক্ত হ’লে।
• ইয়াৰ লগতে বমি বমি ভাৱ আৰু বমিও সাধাৰণ লক্ষণ, যাৰ বাবে ৰোগীয়ে দুৰ্বল আৰু ভাগৰুৱা অনুভৱ কৰিব পাৰে।
• আন লক্ষণসমূহ হ’ল- উচ্চ জ্বৰ, অত্যধিক ঘামচি, পানীৰ অভাৱ আৰু পেটত গেছ বা পেট ফুলা বা গধুৰ অনুভৱ হোৱা।
• অগ্নাশয়টোৰ ৮০ % ক্ষতি হ'লে ডায়েবেটিচ ৰোগ আৰম্ভ হয়। যাক কেতিয়াও ঠিক কৰিব নোৱাৰি।
• কেতিয়াবা ৰোগীয়ে হঠাতে ৰক্তচাপৰ পৰিৱৰ্তন অনুভৱ কৰিব পাৰে, যিটো শৰীৰৰ বাবে বিপদজনক বুলি প্ৰমাণিত হ’ব পাৰে। এনে পৰিস্থিতিত ইয়াৰ লক্ষণসমূহৰ প্ৰতি সজাগ হোৱাটো জৰুৰী।
পেনক্ৰিয়াটাইটিছ প্ৰতিৰোধৰ উপায়ঃ
• পিত্তত পাথৰ আছে নে নাই আলট্ৰাচাউণ্ড কৰক। পাথৰ থাকিলে সোনকালে অস্ত্ৰোপচাৰ কৰক।
• স্বাস্থ্যসন্মত আৰু সুষম আহাৰ গ্ৰহণ কৰক। চৰ্বি, তেল, অত্যাধিক নিমখ, মচলা, জ্বলা, টেঙা একেবাৰে ত্যাগ কৰক।
• ধূমপান নকৰিব আৰু মদ একেবাৰেই সেৱন নকৰিব।
• নিয়মিতভাৱে ব্যায়াম কৰিব।
• ওজন নিয়ন্ত্ৰণত ৰাখিব লাগে।
• পেটৰ তীব্ৰ বিষ, বমি, বা উশাহ-নিশাহ লোৱাত অসুবিধা হ’লে লগে লগে চিকিৎসকৰ সৈতে যোগাযোগ কৰিব লাগে।
