( অপূৰ্ব দাস )
আপুনি দিনটোত ৪-৫ বাৰ চাহ খায় নে ? চাহ অবিহনে কাম কৰিব নোৱাৰে নেকি ? চাহ খোৱাৰ ফলত বহু ধৰণৰ ৰোগে আপোনাক আক্ৰান্ত কৰিব পাৰে। এই বিষয়ে বিতংকৈ জানিবলৈ পঢ়িব।
চাহ খোৱাৰ ফলত কি কি ৰোগ হব পাৰে?
প্ৰায় সকলোৰে চাহ খোৱাৰ হেঁপাহ থাকে। ৰাতিপুৱা আৰু গধূলি চাহৰ বাবে হাহাকাৰ কৰিবলৈ আৰম্ভ কৰে আৰু চাহ নোপোৱালৈকে চিন্তিত হৈ থাকে। চাহ খোৱাৰ ফলত শৰীৰত তৎক্ষণাত শক্তি পোৱা যায় আৰু অলসতা দূৰ হয় আৰু শান্তিৰ অনুভূতি পায় । চাহ খালে মানুহে মূৰৰ বিষ, ভাগৰ, বেয়া মেজাজ আদি সমস্যাৰ পৰাও সকাহ পায়। কিন্তু, চাহ খোৱা লোকসকলে ইয়াৰ প্ৰতি আসক্ত হ’ব পাৰে আৰু স্বাস্থ্যৰ বহু সমস্যাও হ’ব পাৰে। চাহ খোৱাৰ ফলত হোৱা কিছু স্বাস্থ্যজনিত সমস্যাৰ বিষয়ে জানিবলৈ পঢ়িব।
• চুলি সৰাৰ সমস্যা
এই কথা জানি আপুনি হয়তো আচৰিত হ’ব। হয়, চাহ খালে চুলি সৰা গুৰুতৰ সমস্যা হ’ব পাৰে। চাহৰ ফলত শৰীৰত পুষ্টিকৰ উপাদানৰ অভাৱ হ’ব পাৰে। ইয়াৰ বাবে চুলিৰ গুড়ি দুৰ্বল হৈ চুলি সৰিবলৈ আৰম্ভ কৰে। কেফেইনে এনে পাৰ্শ্বক্ৰিয়া কৰে।
• পেটত গেছ উৎপন্ন হয়
চাহ খোৱাৰ ফলত গেছৰ সমস্যা ভয়াৱহ হৈ উঠিব পাৰে। বিশেষকৈ ৰাতিপুৱা আৰু গধূলি খালী পেটত চাহ খালে পেট ফুলা আৰু গেছৰ সমস্যা বৃদ্ধি পাব পাৰে। গতিকে চাহ কম পৰিমাণে সেৱন কৰি সাৱধানে সেৱন কৰিব লাগে।
• যৌন শক্তি কমি যায়
চাহত থকা কেফেইনে যৌন ক্ষমতা হ্ৰাস কৰে। দিনটোত দুবাৰ বা তাতকৈ অধিক চাহ খোৱা ব্যক্তিৰ ক্ষেত্ৰত এই সমস্যা হ'বলৈ আৰম্ভ কৰে। যৌন শক্তি কম থকা লোক সকলে চাহ খোৱা সম্পূৰ্ণ বাদ দিয়া উচিত।
• অনিদ্ৰা
সঘনাই চাহ খালে আপোনাৰ টোপনিৰ চক্ৰৰ ক্ষতি হয়। ইয়াৰ ফলত আপোনাৰ অনিদ্ৰা আৰু স্লিপ এপনিয়াৰ দৰে সমস্যা হ’ব পাৰে। টোপনি ভাল নহ'লে সোনকালে বয়স বাঢ়িবলৈ আৰম্ভ কৰে।
• ৰক্তহীনতা
চাহ খালে শৰীৰত আইৰণ শোষণ প্ৰক্ৰিয়া লেহেমীয়া হয়। আইৰণৰ অভাৱত শৰীৰত তেজ কমি যায়, যাৰ ফলত দুৰ্বলতা, ৰক্তহীনতা আদি সমস্যাৰ সৃষ্টি হ’ব পাৰে।
এনেদৰে চাহ খালে স্বাস্থ্য ভালে থাকে -
• চাহত একেবাৰে কম চেনি ব্যৱহাৰ কৰিব। চেনিৰ সলনি মৌ ২ চামুচ ব্যৱহাৰ কৰিব।
• চাহপাতত কেফেইন থাকে। এই কেফেইনে স্বাস্থ্যৰ বহু ক্ষতি কৰে। ইয়াৰ সলনি জবা ফুল বা অপৰাজিতা ফুল, এটুকুৰা গুড়, এটুকুৰা আদা দি তৈয়াৰ কৰিলে স্বাস্থ্যৰ বহু উপকাৰ পোৱা যায়।
• জবা ফুল, অপাগজিতা ফুল, ধনীয়াৰ পাত , মানিমুনিৰ পাত শুকুৱাই থব পাৰে। চাহত এইবোৰ প্ৰয়োগ কৰা উচিত।
• এচামুচ মৌ আৰু কিছমিছ দিয়া চাহ খাব পাৰে । এনে চাহে বেয়া কলেষ্টেৰল জমা হোৱাত বাধা দিয়ে। এনে আয়ুৰ্বেদিক চাহে ছাল, চুলিৰ সৌন্দৰ্য্য বৃদ্ধি কৰাৰ লগতে শৰীৰৰ তেজো পৰিস্কাৰ কৰি ৰোগ প্ৰতিৰোধ ক্ষমতা কৰাত সহায় কৰে।
