দাঁতৰ বিষ নিৰাময়ৰ কিছুমান গুৰুত্বপূৰ্ণ সমাধান।
( অপূৰ্ব দাস )
দাঁতৰ বিষ নিৰাময়ৰ বাবে প্ৰাকৃতিক আৰু চিকিৎসাগত দুয়ো ধৰণৰ উপায় আছে। তলত কিছুমান সহজ উপায় উল্লেখ কৰা হৈছে:
প্ৰাকৃতিক উপায়:
1. নিম পাত চোবোৱা:
নিমৰ অ্যান্টি-ব্যাকটেৰিয়েল গুণে দাঁতৰ বিষৰ সমস্যা কমাব পাৰে।
2. লৱণ-পানী আৰু ফিটকিৰিৰে কুলকুলি
গৰম পানীত লৱণ নাইবা আধা চামুচ ফিটকিৰি মিশ্ৰণ কৰি দিনত ২-৩ বাৰ কুলকুলি কৰক। ই দাঁতৰ বিষ, ইনফ্লেমেশন আৰু ব্যাকটেৰিয়াৰ বৃদ্ধি ৰোধ কৰে।
3. নহৰু :
নহৰুত এলিচিন নামৰ এক প্ৰাকৃতিক অ্যান্টিবায়’টিক থাকে। নহৰু পিহি দাঁতত লগালে বিষ আৰু ইনফেকচন কমে।
4. লং তেল বা লং :
লণৰ তেল দাঁতত লগালে দাঁতৰ বিষ কমে। আপোনাৰ কাষত তেল নাথাকিলে, লং গুড়ি কৰি লগাব ।
লং, আদা , নহৰু একেলগে পিহি লগালে বিষ নাইকীয়া হ'য়।
5. গৰম - ঠাণ্ডা সেঁক:
বিষৰ স্থলত গৰম সেঁক দিব পাৰে। ঠাণ্ডাৰ সেঁকে ৰক্তসঞ্চালন কমাই ফুলি থকা স্থানত আৰাম দিব।
6. হালধি আৰু ফিটকিৰি মিশ্ৰণ:
একাপ পানীত হালধি আৰু ফিটকিৰি আধা চামুচতকৈ কম মিশ্ৰণ প্ৰস্তুত কৰি দাঁতত কিছু সময় লগাই উলিয়াই দিব।
চিকিৎসাগত উপায়:
1. পেইন কিলাৰ ব্যৱহাৰ:
চিকিৎসকৰ পৰামৰ্শ লৈ পেইনকিলাৰ সাময়িকভাৱে দাঁতৰ বিষ কমাব পাৰে। চিকিৎসকৰ পৰামৰ্শত ব্যৱহাৰ কৰক।
2. ডেন্টিষ্টৰ পৰামৰ্শ লোৱাঃ
দাঁতৰ Cavit থাকিলে Filling কৰিব।
ইনফেকচন থাকিলে চিকিৎসা কৰিব।
দাঁতৰ গাঢ় সমস্যা থাকিলে ৰুট কেনেল বা এক্সট্ৰাকচন (Extraction) কৰিব।
3. অ্যান্টিবায়'টিক চিকিৎসা:
ইনফেকচন থাকিলে চিকিৎসকে অ্যান্টিবায়'টিক দিয়াৰ পৰামৰ্শ দিব।
সাৱধানতা:
1. দৈনন্দিন দাঁত পৰিষ্কাৰ কৰি ৰাখক। দিনত দুবাৰ টুথপেষ্ট লগাই দাঁত মাজক।
2. মিঠা আৰু চিনিৰ পৰিমাণ সীমিত কৰক।
