( অপূৰ্ব দাস )
২০২৩ চনত সমগ্ৰ বিশ্বতে প্ৰায় এক কোটি লোকৰ কৰ্কট ৰোগত মৃত্যু হ’ব। প্ৰতিদিনে কেন্সাৰৰ বাবে প্ৰায় ২৬,৩০০ লোকৰ মৃত্যু। এই ৰোগৰ ভয়াৱহতা দেখুৱাবলৈ এই সংখ্যাই যথেষ্ট। কিন্তু এতিয়া ব্ৰিটিছ বিজ্ঞানীসকলে এনে এটা ভেকচিন তৈয়াৰ কৰাৰ দিশত কাম কৰি আছে যিয়ে এই মাৰাত্মক ৰোগটোক কেৱল এটা বা দুটা বছৰৰ নহয়, ২০ বছৰ আগতীয়াকৈ প্ৰতিৰোধ কৰিব পাৰিব।
চিকিৎসা ক্ষেত্ৰত উদ্ভাৱন আৰু মানুহৰ মাজত সজাগতা বৃদ্ধিৰ বাবে সময়মতে কৰ্কট ৰোগ নিৰ্ণয় আৰু চিকিৎসা পূৰ্বতকৈ সহজ হৈ পৰিছে যদিও বেছিভাগ মানুহৰে বাবে কৰ্কট ৰোগ এতিয়াও ভয় হৈ আছে ।
কেন্সাৰ ভেকচিনৰ খবৰটোৱে বৰ্তমান বহু সকাহ দিয়ে। ব্ৰিটিছ বিজ্ঞানীসকলে এনে এটা ভেকচিন সৃষ্টিৰ দিশত কাম কৰি আছে যিয়ে এই মাৰাত্মক ৰোগটোক এবছৰ বা দুবছৰ নহয় ২০ বছৰলৈকে প্ৰতিৰোধ কৰিব পাৰে। শেহতীয়া বাতৰি অনুসৰি বিজ্ঞানীসকলে নতুন ‘কেন্সাৰ ভেকচিন’ৰ জৰিয়তে চিকিৎসা জগতত এক বৃহৎ অগ্ৰগতি লাভ কৰাৰ দিশে আগবাঢ়িছে।
ভেকচিনৰ দ্বাৰা ২০ বছৰ আগতীয়াকৈ এই ৰোগ নাশ কৰিব পাৰি :
অক্সফৰ্ড বিশ্ববিদ্যালয়ৰ বিজ্ঞানীসকলে ফাৰ্মাচিউটিকেল জায়ান্ট জি এছ কেৰ সৈতে মিলি শৰীৰৰ ‘অজ্ঞাত কেন্সাৰ’ কোষ ধৰা পেলাব পৰা ভেকচিন তৈয়াৰ কৰিছে। কেৱল এয়াই নহয়, এই ভেকচিনে এই ৰোগ বিকশিত হোৱাৰ ২০ বছৰ আগতেই প্ৰতিৰোধ কৰিব পাৰে বুলি দাবী কৰা হৈছে।
বিজ্ঞানীসকলে কয় যে এই ভেকচিনে কেন্সাৰৰ পূৰ্বৰ পৰ্যায়তে থকা কেন্সাৰ কোষক লক্ষ্য কৰি নিৰ্মূল কৰিব পাৰে।
অক্সফৰ্ড বিশ্ববিদ্যালয়ৰ অংক’লজীৰ অধ্যাপিকা চাৰা ব্লেগডেনে স্থানীয় ৰেডিঅ’ৰ সৈতে হোৱা বাৰ্তালাপত এই ভেকচিন সন্দৰ্ভত তথ্য ভাগ-বতৰা কৰিছে।
শৰীৰত কেন্সাৰ হ’বলৈ প্ৰায় দুটা দশক সময় লাগে ?
অধ্যাপিকা ছাৰাই কয়, আমি সকলোৱে সদায় ভাবো যে শৰীৰত কেন্সাৰ হ’বলৈ প্ৰায় এবছৰ বা দুবছৰ সময় লাগে, কিন্তু আচলতে বহু অধ্যয়নে এতিয়া নিশ্চিত কৰিছে যে কেন্সাৰ হ’বলৈ ২০ বছৰ পৰ্যন্ত সময় লাগিব পাৰে , কেতিয়াবা তাতোকৈ বেছি। কাৰণ এটা স্বাভাৱিক কোষ কেন্সাৰ কোষ হ’বলৈ বহু সময় লাগে।
আমি জানো যে এই সময়ছোৱাত বেছিভাগ কেন্সাৰেই অদৃশ্য হৈ থাকে, যেতিয়া কেন্সাৰ কোষবোৰে এই পৰ্যায়ৰ মাজেৰে পাৰ হৈ থাকে, তেতিয়া ইয়াক প্ৰি-কেন্সাৰ ষ্টেজ বোলা হয়। গতিকে এই ভেকচিনৰ উদ্দেশ্য হৈছে কৰ্কট ৰোগৰ পূৰ্বৰ পৰ্যায়ত কৰ্কট ৰোগ ধৰা পেলোৱা আৰু নিৰ্মূল কৰা।
বিশেষজ্ঞসকলে কি কয়?
অধ্যাপক ব্লেগডেনে কয় যে ‘জি এছ কে-অক্সফৰ্ড কেন্সাৰ ইমিউন’-প্ৰিভেনচন প্ৰগ্ৰেম’ কেইবাটাও প্ৰযুক্তিগত আৰু বৈজ্ঞানিক অগ্ৰগতিৰ ভিত্তিত আৰম্ভ কৰা হৈছে যিয়ে প্ৰি-কেন্সাৰৰ ভেকচিনৰ সম্ভাৱনাক আশাৰ সঞ্চাৰ কৰিছে। আমি ভাগ্যৱান কাৰণ আমি বহু প্ৰযুক্তিগত অগ্ৰগতি লাভ কৰিছো, অৰ্থাৎ আমি এতিয়া এনেকুৱা বস্তু ধৰা পেলাবলৈ সক্ষম হৈছো যিবোৰ সাধাৰণতে ধৰা নপৰে।
এতিয়ালৈকে আমি বুজিব পাৰিছো যে কি কি বৈশিষ্ট্যই কোষবোৰক কেন্সাৰৰ দিশলৈ গতি কৰায়, গতিকে আমি সেই দিশত বিশেষভাৱে লক্ষ্য কৰি ভেকচিন ডিজাইন কৰি ইয়াক নাশ কৰিব পাৰো।
ইতিমধ্যে আহি পাইছে কেন্সাৰ ভেকচিন :
স্থানীয় সংবাদ মাধ্যমৰ বাতৰি অনুসৰি জি এছ কেয়ে এই ভেকচিন নিৰ্মাণ কাৰ্যসূচীৰ বাবে তিনি বছৰৰ ভিতৰত ৫ কোটি পাউণ্ড (প্ৰায় ৫৩৮ কোটি টকা) বিনিয়োগ কৰিব। উল্লেখযোগ্য যে গৱেষকসকলে ইতিমধ্যে টিউমাৰৰ নিৰ্দিষ্ট প্ৰটিন চিনাক্ত কৰিছে, যিবোৰ ভেকচিনৰ দ্বাৰা প্ৰতিৰোধ কৰিব পৰা যায়। এইবোৰে পুনৰ কেন্সাৰ হোৱাৰ সম্ভাৱনা হ্ৰাস কৰে। এই নতুন গৱেষণাত কেন্সাৰ বিয়পি পৰাৰ আগতেই কেন্সাৰ বন্ধ কৰাৰ লক্ষ্যৰে কাম কৰা হৈছে।
বিশেষজ্ঞসকলে কয় যে যদি এই ভেকচিনৰ ক্লিনিকেল ট্ৰায়েল সফল হয় আৰু এই ভেকচিনে আশা কৰা ধৰণে কাম কৰে তেন্তে অনাগত বছৰবোৰত কেন্সাৰক পৰাস্ত কৰাটো বহুত সহজ হৈ পৰিব পাৰে। বৰ্তমান এই ভেকচিন প্ৰস্তুত কৰিবলৈ কিমান সময় লাগিব সেই সম্পৰ্কে তথ্য উপলব্ধ নহয়।
