By Good Assam
প্ৰতি বছৰে ১ ডিচেম্বৰত বিশ্ব এইডছ দিৱস পালন কৰা হয়। এইচ আই ভিত সংক্ৰমণৰ হোৱাৰ লগে লগে লক্ষণ সমূহ দেখা নিদিব পাৰে। বছৰ বছৰ পিছত এইডছ আৰম্ভ হ’ব পাৰে। ৰোগ প্ৰতিৰোধ ক্ষমতা যেতিয়া দুৰ্বল হৈ আহিব তেতিয়া ভয়ংকৰ পৰিণতি হ'ব পাৰে। এনে পৰিস্থিতিত এইডছৰ প্ৰাৰম্ভিক লক্ষণ কি কি জানিবলৈ পঢ়িব।
এজন HIVত আক্ৰান্ত ব্যক্তিৰ লক্ষণ সমূহ দেখা নিদিব পাৰে কাৰণ যেতিয়ালৈকে ৰোগ প্ৰতিৰোধ ক্ষমতা দুৰ্বল নহয়। এনে ব্যক্তিৰ লগত অসুৰক্ষিত যৌন সম্পৰ্ক গঢ়া আৰু নিচাযুক্ত দ্ৰব্য চিৰিঞ্জেৰে লোৱাৰ ফলত দ্বিতীয় জন ব্যক্তিয়ৰ ভয়ংকৰ পৰিণাম হ'ব পাৰে। সেয়েহে HIV test কৰাটো অতিকৈ জৰুৰী। আজিৰ সময়ত এজন HIV ত আক্ৰান্ত ব্যক্তিয়ে ঔষধৰ দ্বাৰা সুস্থ জীৱন অতিবাহিত কৰিব পৰা হৈছে। কিন্তু ঔষধ খাই থাকিব লাগিব।
প্ৰতি বছৰে ১ ডিচেম্বৰত বিশ্ব এইডছ দিৱস পালন কৰা হয়। এইচ আই ভি এইডছৰ বিষয়ে সজাগতা বৃদ্ধি, ৰোগত আক্ৰান্ত হৈ মৃত্যু হোৱা লোকসকলক স্মৰণ কৰা, এইচ আই ভি ৰোগত আক্ৰান্ত লোকসকলক সহায় কৰাৰ বাবে ই এক বিশ্বব্যাপী স্বাস্থ্য সজাগতা দিৱস।
কিছুমান মানুহ HIVত আক্ৰান্ত বুলি অনুমান কৰিব নোৱাৰিব পাৰে, যেতিয়ালৈকে তেওঁ HIV test নকৰে। কাৰণ কিছুমান মানুহৰ ৰোগ প্ৰতিৰোধ ক্ষমতা থকা বাবে লক্ষণ সমূহ দেখা নাযায়। ৰোগত আক্ৰান্ত হোৱাৰ ১/২ বছৰ পিছত লক্ষণ সমূহ দেখা দিব পাৰে। সেয়েহে অসুৰক্ষিত যৌন সম্পৰ্ক স্থাপন কৰা আৰু নিচাযুক্ত দ্ৰব্য চিৰিঞ্জেৰে এজনৰ পৰা আন এজনে ভাগবতৰা কৰা ভয়ংকৰ।
জানো আহক ইয়াৰ প্ৰথম অৱস্থাৰ লক্ষণ সমূহ কি কি -
• দীৰ্ঘদিন জ্বৰঃ এই জ্বৰৰ উষ্ণতা (১০০.৪ ডিগ্ৰী ফাৰেনহাইট বা ৩৮ ডিগ্ৰী চেলছিয়াছতকৈ অধিক) এটা সাধাৰণ প্ৰাৰম্ভিক লক্ষণ। ৰোগ প্ৰতিৰোধ ক্ষমতা দুৰ্বল হৈ ৰোগৰ বিৰুদ্ধে যুঁজিব নোৱাৰাৰ ফলত শৰীৰৰ প্ৰদাহজনিত প্ৰতিক্ৰিয়াৰ বাবে এনে হয়।
• অত্যধিক ক্লান্তি: পৰ্যাপ্ত জিৰণি লোৱাৰ পিছতো যদি আপুনি সকলো সময়তে ভাগৰুৱা অনুভৱ কৰে তেন্তে ই এক ডাঙৰ লক্ষণ। এনে হয় কাৰণ ৰোগ প্ৰতিৰোধ ক্ষমতা অহৰহ ক্ষয় হৈ থাকে আৰু শৰীৰে সঠিক শক্তিৰ মাত্ৰা বজাই ৰাখিব নোৱাৰে।
• সঘনাই সংক্ৰমণ: সঘনাই ভাইৰাছৰ সংক্ৰমণ, যেনে নিউমোনিয়া বা মুখ আৰু দেহত খজুৱতি, লিভাৰৰ সমস্যা , দেহত দবৰা ইত্যাদি। ই তেতিয়া হয় যেতিয়া আপোনাৰ ৰোগ প্ৰতিৰোধ ক্ষমতাই শৰীৰক ৰক্ষা কৰিবলৈ অসহায় হৈ পৰে।
• শ্বাস-প্ৰশ্বাসজনিত সমস্যাঃ ৰোগ প্ৰতিৰোধ ক্ষমতাৰ অৱনতি ঘটাৰ লগে লগে উশাহ-নিশাহৰ কষ্ট, ধাৰাবাহিক কাহ, আৰু সঘনাই শ্বাস-প্ৰশ্বাসজনিত সংক্ৰমণ যেনে যক্ষ্মা বা দীৰ্ঘদিনীয়া ব্ৰংকাইটিছ হ’ব পাৰে।
ফুলি উঠা লিম্ফ ন’ড ( Swollen lymph nodes ) : ডিঙি, ককাল, গ্ৰাইণ্ডৰ লিম্ফ ন’ডবোৰ বহুদিন ধৰি ফুলি থাকিব পাৰে। বিপজ্জনক বা ক্ষতিকাৰক পদাৰ্থবোৰ ফিল্টাৰ কৰি উলিওৱাৰ সময়ত ন’ডবোৰ প্ৰদাহত পৰিলে এনে হয়।
• স্নায়ুজনিত লক্ষণ: স্নায়ুতন্ত্ৰত ভাইৰাছৰ প্ৰভাৱ বা আনুষংগিক ৰোগ যেনে মেনিনজাইটিছৰ ফলত পিছলৈ স্মৃতিশক্তি হেৰুৱা, দিশহাৰা আৰু মনোযোগৰ সমস্যাৰ সৃষ্টি হ’ব পাৰে। যদি কোনো ব্যক্তিৰ এই লক্ষণসমূহ দেখা যায় আৰু এইচ আই ভিৰ বিপদজনক কাৰক থাকে তেন্তে তেওঁলোকে তৎকালীনভাৱে চিকিৎসকৰ সহায় আৰু পৰীক্ষা কৰিব লাগে। আগতীয়াকৈ ৰোগ নিৰ্ণয় আৰু এন্টিৰেট্ৰ’ভাইৰেল ঔষধ (ART) দিলে এইচ আই ভি এইডছলৈ পৰিণত হোৱাত বাধা দিব পাৰি।
এইবোৰ কাৰণৰত HIV ত আক্ৰান্ত হ'ব পাৰে :
• অসুৰক্ষিত যৌন সম্পৰ্ক।
• নিচাযুক্ত দ্ৰব্য চিৰিঞ্জেৰে এজনৰ পৰা আন এজনে ভাগবতৰা কৰা।
• HIV ত আক্ৰান্ত মাতৃৰ পৰা গৰ্ভত থকা সন্তানলৈ।
এইবোৰ কাৰণৰতো HIV হোৱা দেখা গৈছে -
• সমকামী পুৰুষৰ পায়ু মৈথুনৰ ফলতো HIVত সহজে আক্ৰান্ত হ'য়।
• চুম্বনৰ জৰিয়তেও HIV বিয়পা দেখা গৈছে। HIV ত আক্ৰান্ত ব্যক্তিৰ তেজত এই ভাইৰাছ সৰ্বশৰীৰতে বিয়পি থাকে । এই ভাইৰাছত আক্ৰান্ত ব্যক্তিৰ দাঁতত আলুও ক্ষতিগ্ৰস্ত হয় আৰু সাধাৰণ তেজ বৈ থাকে। এই তেজ লালটিৰ লগত মিহলি হৈ চুম্বনৰ জৰিয়তে দ্বিতীয় জন ব্যক্তিও HIV ত আক্ৰান্ত হৈ পৰে।
এইবোৰ কথা মনত ৰাখিব:
• একেলগে বহিলে , হাতে হাতে ধৰিলে আৰু আক্ৰান্ত ব্যক্তিৰ লগত বহি কথা পাতিলে HIV ত আক্ৰান্ত নহয়।
• আক্ৰান্ত ব্যক্তিয়ে ব্যৱহাৰ কৰা সৌচাগাৰ , প্ৰৰস্ৰাৱগাৰ আৰু কাপোৰ ব্যৱহাৰ কৰিলে HIV নিবিয়পে।
• একেলগে বহি আহাৰ গ্ৰহণ কৰিলেও HIV নিবিয়পে।
সাৱধানতা অৱলম্বন কৰক আৰু সজাগ হওঁক। ওচৰৰ স্বাস্থ্য কেন্দ্ৰত বিনামূলীয়াকৈ পৰীক্ষা কৰক। স্বাস্থ্য কেন্দ্ৰ সমূহত আপোনাৰ নাম গোপনে ৰাখে।
