যদি আপুনি শীতকালত কাহ, চৰ্দী , চাইনাছৰ সমস্যাত অসুবিধা পাই আছে তেন্তে এই ৬ টা উপায় চেষ্টা কৰক, আপুনি তৎক্ষণাত সকাহ পাব।
( অপূৰ্ব দাস )
শীতকালত চাইনাছ, কাহ, চৰ্দী আদি সমস্যাৰ পৰা মুক্তি পাবলৈ আপুনি কিছুমান ঘৰুৱা উপায় চেষ্টা কৰিব পাৰে। আহক, ইয়াৰ বিষয়ে বিতংভাৱে জনাও-
চাইনাছ বা চাইনাচাইটিছ হৈছে নাকৰ লগত জড়িত সংক্ৰমণ। এই ৰোগত নাকৰ পথৰ আশে-পাশে থকা গহ্বৰবোৰ ফুলি উঠে, যাৰ বাবে উশাহ-নিশাহ লোৱাত অসুবিধা হয়। ইয়াৰ উপৰিও চাইনাছৰ সমস্যাৰ ফলত নাক বন্ধ হোৱা, মূৰৰ বিষ, শ্লেষ্মা, নাকৰ পানী ওলোৱা আৰু মুখমণ্ডল ফুলা আদি সমস্যাও হ’ব পাৰে। এলাৰ্জী, বেক্টেৰিয়া, ভেঁকুৰৰ সংক্ৰমণ, বতৰৰ পৰিৱৰ্তন, নাকৰ মাংস বৃদ্ধি বা হাঁপানীৰ ফলত চাইনাছৰ সমস্যা হ’ব পাৰে। এনেবোৰ কাৰণৰ বাবেও চৰ্দী -কাহ হ'য় যেতিয়া এই সংক্ৰমণ গল, শ্বাস-প্ৰশ্বাস আৰু হাওঁফাওঁ পায়গৈ।
মূলতঃ শীতকালত এইবোৰ সমস্যা যথেষ্ট বৃদ্ধি পায়। সময়মতে চিকিৎসা নকৰিলে বহু গুৰুতৰ সমস্যাৰ সন্মুখীন হ’বলগীয়া হ’ব পাৰে। যদি আপুনিও শীতকালত এনেবোৰ সমস্যাত অসুবিধা পায়, তেন্তে কিছুমান ঘৰুৱা উপায়ৰ সহায়ত ইয়াৰ পৰা মুক্তি পাব পাৰে। আজি এই লেখাটোত আপোনালোকক এনে কিছুমান ঘৰুৱা উপায়ৰ বিষয়ে ক'ম, যিবোৰ গ্ৰহণ কৰিলে আপুনি চাইনাছৰ সমস্যাৰ পৰা সকাহ পাব পাৰে। গতিকে আহক, ইয়াৰ বিষয়ে বিতংভাৱে জনাও-
• চাইনাছৰ পৰা সকাহ পাবলৈ ভাপ ল'ব
ভাপ উশাহত ল’লে শ্বাস-প্ৰশ্বাসৰ নলী মুকলি হোৱাত সহায় হয় আৰু ভিৰ হোৱাৰ পৰা সকাহ দিব পাৰে। ই নাকত জমা হোৱা শ্লেষ্মা পাতল কৰাত সহায় কৰে, যাৰ ফলত উশাহ-নিশাহ সহজ হয়। যদি আপুনি চাইনাছৰ সমস্যাৰ পৰা সকাহ পাব বিচাৰে তেন্তে উতল গৰম পানীত লং গুড়ি ৩ চামুচ দি দিনটোত ১-২ বাৰ নিয়মিত ভাপ ল'ব লাগে। ইচ্ছা কৰিলে ভাপ পানীত কৰ্পূৰ, পদিনা তেল বা ইউকেলিপ্টাছ তেল দিব পাৰে। ইয়াৰ দ্বাৰা আপুনি যথেষ্ট উপকৃত হ’ব।
• আদাৰ ব্যৱহাৰ
আদাত এন্টিঅক্সিডেন্ট আৰু এন্টি-ইনফ্লেমেটৰী গুণ থাকে, যিয়ে চাইনাছ, কাহ, চৰ্দীৰ প্ৰদাহ হ্ৰাস কৰাত সহায় কৰিব পাৰে। ইয়াৰ উপৰিও নাক আৰু চাইনাছ বন্ধ হোৱাৰ লগত জড়িত মূৰৰ বিষৰ পৰাও সকাহ দিব পাৰে। ইয়াৰ বাবে আপুনি আদাৰ চাহ খাব পাৰে। দিনটোত ২ৰ পৰা ৩ বাৰ সেৱন কৰিলে চাইনাছৰ সমস্যাৰ পৰা সোনকালে সকাহ পাব পাৰি।
• হালধি গাখীৰ
চাইনাছৰ আৰু চৰ্দীৰ সমস্যাৰ পৰা সকাহ দিয়াত হালধি অতি ফলপ্ৰসূ বুলি প্ৰমাণিত । আচলতে ইয়াত এন্টিঅক্সিডেন্ট আৰু এন্টি-ইনফ্লেমেটৰী গুণ থাকে, যিয়ে চাইনাছৰ সমস্যা হ্ৰাস কৰাত সহায় কৰে। ইয়াৰ বাবে এগিলাচ গৰম গাখীৰত আধা চামুচ হালধি দি ৰাতি শুৱাৰ আগতে খাব লাগে। ইয়াৰ নিয়মীয়া সেৱনে শৰীৰৰ ৰোগ প্ৰতিৰোধ ক্ষমতা বৃদ্ধি কৰিব আৰু চাইনাছৰ পৰা সোনকালে সকাহ দিব পাৰে।
• নহৰু সেৱন
চাইনাছৰ সমস্যাৰ পৰা মুক্তি পাবলৈ নহৰু সেৱন কৰিব পাৰে। আচলতে ইয়াৰ এন্টি-বেক্টেৰিয়েল আৰু এন্টি-ফাংগেল গুণ আছে, যিয়ে সংক্ৰমণৰ বিৰুদ্ধে যুঁজ দিয়াত সহায় কৰে। ইয়াৰ বাবে বাকলি উলিয়াই ২-৩ টা নহৰুৰ কোহ পিহি লওক। তাৰ পিছত গৰম পানীত মিহলাই সেৱন কৰক। ইচ্ছা কৰিলে আপোনাৰ খাদ্যতো অন্তৰ্ভুক্ত কৰিব পাৰে।
• চাইনাছ আৰু কাহৰ চিকিৎসাত ডালচেনি উপকাৰী
কাহ আৰু চাইনাছৰ সমস্যাৰ পৰা মুক্তি পাবলৈ ডালচেনি ব্যৱহাৰ কৰিব পাৰে। আচলতে ই সংক্ৰমণৰ কাৰণ হোৱা বেক্টেৰিয়াবোৰ ধ্বংস কৰিব পাৰে। লগতে ফুলাৰ পৰা সকাহ দিয়াত সহায় কৰিব পাৰে। ইয়াৰ বাবে এগিলাচ কুহুমীয়া পানীত এচামুচ ডালচেনিৰ গুড়ি মিহলাই খাব লাগে। দিনটোত এবাৰ বা দুবাৰ সেৱন কৰিলে আপুনি সোনকালে সকাহ পাব পাৰে।
• মৌ আৰু তুলসী
কাহ-চৰ্দীৰ পৰা সোনকালে আৰোগ্য লাভ কৰিবলৈ ২ চামুচ মৌৰ লগত ২-৩ খন তুলসীৰ পাত পিহি তাৰ সৈতে মিহলি কৰি পুৱা আৰু ৰাতি শুৱাৰ আগত খাব লাগে। কাহ-চৰ্দীৰ পৰা সোনকালে আৰোগ্য লাভ কৰে।
