By Good Assam
শীতকালত উচ্চ ইউৰিক এচিডৰ সমস্যা বৃদ্ধি পাব পাৰে, যিটো এটা অসুবিধাজনক কথা। ইউৰিক এচিডৰ মাত্ৰা বৃদ্ধিৰ বাবে আপুনি আন বহুতো স্বাস্থ্য সম্পৰ্কীয় সমস্যাৰ সন্মুখীন হ’ব পাৰে। ইউৰিক এচিডৰ বাবে গাউট ৰোগ, হৃদৰোগ আৰু বৃক্কত পাথৰ হোৱাৰ সম্ভাৱনা বৃদ্ধি পাব পাৰে। একেদৰে ইউৰিক এচিডৰ মাত্ৰা অধিক হোৱাৰ বাবেও উচ্চ ৰক্তচাপৰ মাত্ৰাৰ সমস্যা বৃদ্ধি পাব পাৰে।
• শৰীৰত ইউৰিক এচিড কিয় বৃদ্ধি পায়?
খাদ্য সামগ্ৰীত থকা পিউৰিন নামৰ মৌলৰ বাবে ইউৰিক এচিড বৃদ্ধি পায়। এই পিউৰিনে খাদ্যৰ সৈতে আপোনাৰ শৰীৰত উপস্থিত হয়। প্ৰস্ৰাৱৰ দ্বাৰা শৰীৰৰ পৰা সামান্য পৰিমাণৰ পিউৰিন বাহিৰ হয়। কিন্তু, যেতিয়া পিউৰিন বৃহৎ পৰিমাণে জমা হ’বলৈ আৰম্ভ কৰে আৰু বৃক্কই ইয়াক ফিল্টাৰ কৰিব নোৱাৰে তেতিয়া শৰীৰত ইউৰিক এচিডৰ মাত্ৰা বৃদ্ধি পায়। এই ইউৰিক এচিডে কাঁচৰ দৰে টুকুৰাৰ আকৃতি লয় আৰু তাৰ পিছত ই গাঁঠিৰ চাৰিওফালে জমা হ’বলৈ আৰম্ভ কৰে।
• ইউৰিক এচিড হ্ৰাস কৰাৰ উপায়?
আপোনাৰ পাকঘৰত উপলব্ধ ফল-মূলে আপোনাৰ বৃদ্ধি পোৱা ইউৰিক এচিডৰ মাত্ৰা হ্ৰাস কৰাত সহায় কৰিব পাৰে, যিটো আপুনি ৰস বনাই পান কৰিব পাৰে। এই ৰসবোৰত প্ৰচুৰ পুষ্টিকৰ উপাদান থাকে যিবোৰ শৰীৰত ইউৰিক এচিডৰ মাত্ৰা হ্ৰাস কৰাত ফলপ্ৰসূ বুলি প্ৰমাণিত হৈছে। এইবোৰে বডি ক্লিনজাৰ হিচাপে কাম কৰে, যিয়ে আপোনাক আন প্ৰকাৰৰ বিষাক্ত পদাৰ্থৰ পৰা মুক্তি কৰাত সহায় কৰে আৰু ৰোগৰ পৰা ৰক্ষা কৰে। ইউৰিক এচিডৰ মাত্ৰা হ্ৰাস কৰিবলৈ কোনবোৰ ফলমূল আৰু শাক-পাচলিৰ ৰস খাব লাগে জানিবলৈ পঢ়িব -
• এই ৰসবোৰে উচ্চ ইউৰিক এচিড হ্ৰাস কৰে
(১) নেমুৰ ৰস
ইউৰিক এচিড হ্ৰাস কৰাত নেমুৰ ৰস অতি ফলপ্ৰসূ। আচলতে চাইট্ৰিক এচিড নেমুৰ ৰসত পোৱা যায় যিয়ে শৰীৰত জমা হোৱা ইউৰিক এচিড বাহিৰ কৰাৰ কাম কৰে। আপুনি চৰ্বত বনাই সপ্তাহত ৪ দিন খাব পাৰে।
(২) আদাৰ পানী
আদাত পোৱা জিঞ্জাৰল নামৰ যৌগ এটাৰ ইউৰিক এচিড হ্ৰাস কৰা গুণ আছে। ইয়াৰ উপৰিও ইউৰিক এচিড গঠন প্ৰক্ৰিয়াও লেহেমীয়া কৰে। একে সময়তে আদাতো প্ৰদাহ নিবাৰণকাৰী উপাদান পোৱা যায়। ফুলা কমোৱাৰ লগতে গাঁঠিৰ বিষৰ পৰাও সকাহ দিয়াতো ফলপ্ৰসূ। দৈনিক ১-২ চামুচ আদাৰ ৰস খাব পাৰে। আপোনাৰ চৰ্বতত অলপ আদাৰ ৰস মিহলাই খাব।
(৩) চেৰী ফলৰ ৰস
গাউটৰ সমস্যাত চেৰী খোৱাটো অতি উপকাৰী বুলি প্ৰমাণিত । চেৰী ফলত এন্থ’চাইনিন নামৰ যৌগ এটা থাকে। ইয়াৰ ফলত ইউৰিক এচিড গঠন হোৱাত বাধা দিয়ে আৰু লগতে শৰীৰত জমা হোৱা ইউৰিক এচিডৰ মাত্ৰাও হ্ৰাস কৰে।
(৪) ঔটেঙাৰ ৰস
সপ্তাহত ৩-৪ দিন ঔটেঙাৰ ৰস খাব পাৰিলে খুবেই ভাল। ঔটেঙা দাইলত দি নাইবা কেঁচা ঔটেঙা টুকুৰা টুকুৰ কৈ কাটি সৈন্ধৱ ণিমখৰ সৈতে খাব পাৰে। ঔটেঙা কুকাৰত সিজাই তাৰ পানী এগিলাছ খালেও বহু উপকাৰ পোৱা যায়।
