( অপূৰ্ব দাস )
সৰু ল’ৰা-ছোৱালীয়ে নিউমানিয়াত বেছিকৈ আক্ৰান্ত হয় যদিও ৰোগ প্ৰতিৰোধ ক্ষমতা দুৰ্বল হ’লে প্ৰাপ্তবয়স্ক আৰু বৃদ্ধ লোকৰো এই ৰোগ হ’ব পাৰে। এই ক্ষেত্ৰত চিন্তিত নহ'ব। আপুনি চিকিৎসকৰ পৰামৰ্শ লৈ ঔষধৰ লগতে এই ঘৰুৱা ঔষধৰ দ্বাৰা উপশম পাব পাৰে।
নিউমোনিয়া হ’ল হাওঁফাওঁত প্ৰত্যক্ষভাৱে আক্ৰান্ত হোৱা সংক্ৰমণ। একে সময়তে ই শিশু, বৃদ্ধ আৰু দুৰ্বল ৰোগ প্ৰতিৰোধ ক্ষমতা থকা লোকক দ্ৰুতভাৱে আক্ৰমণ কৰে। সেইবাবেই ইয়াৰ প্ৰতি সাৱধান হোৱাটো অতি প্ৰয়োজনীয়। গতিকে এই সমস্যাৰ বিষয়ে অলপ বেছিকৈ জানো আহক। লগতে জানি লওক যে ঔষধৰ লগতে কোনবোৰ ঘৰুৱা উপায়ে আমাক এই সমস্যাৰ পৰা মুক্তি দিবলৈ সহায় কৰিব পাৰে।
প্ৰথমে জানি লওক নিউমোনিয়া কি ?
নিউমোনিয়া হ’ল হাওঁফাওঁৰ সংক্ৰমণ যি দুয়ো হাওঁফাওঁত আক্ৰান্ত হ’ব পাৰে। এই সমস্যাত হাওঁফাওঁৰ বায়ুৰ মোনাবোৰ তৰল পদাৰ্থ, শ্লেষ্মাৰে ভৰি থাকে। যাৰ কাৰণে কাহ, জ্বৰ, কফ, চৰ্দি, উশাহ-নিশাহ লোৱাত কষ্ট আদি সমস্যা দেখা যায়। ইয়াৰ আটাইতকৈ সাধাৰণ কাৰণসমূহ হ’ল বেক্টেৰিয়া, ভাইৰাছ, ভেঁকুৰ আৰু আন বহু ধৰণৰ অণুজীৱৰ আক্ৰমণ।
নিউমোনিয়াৰ কিছুমান সাধাৰণ লক্ষণ :
• উশাহ-নিশাহ বা কাহ কৰোতে বুকুৰ বিষ অনুভৱ কৰা।
• শৰীৰৰ উষ্ণতা স্বাভাৱিকতকৈ কম
(৬৫ বছৰৰ ওপৰৰ প্ৰাপ্তবয়স্ক আৰু ৰোগ প্ৰতিৰোধ ক্ষমতা দুৰ্বল লোকৰ ক্ষেত্ৰত)।
• বমি বা ডায়েৰিয়া।
• কফ আৰু কফৰ সৈতে কাহ।
• প্ৰয়োজনতকৈ বেছি ভাগৰুৱা অনুভৱ কৰা।
• জ্বৰ, ঘাম আৰু ঠাণ্ডা অনুভৱ কৰা।
• উশাহ-নিশাহ লোৱাত অসুবিধা।
এই ঘৰুৱা উপায়েৰে নিউমোনিয়াৰ বিৰুদ্ধে যুঁজ দিয়ক :
১) নিমখীয়া পানীৰে কুলকুলি কৰক
কুহুমীয়া পানীত নিমখ দি কুলকুলি কৰিলে আপোনাৰ ডিঙি পৰিষ্কাৰ হয় আৰু শ্লেষ্মা বাহিৰ কৰাত সহায় কৰে। ইয়াৰ বাবে এগিলাচ পানী অলপ কুহুমীয়া কৰি ল’ব লাগিব। ইয়াত চাৰিৰ পৰা পাঁচ চিকুট নিমখ দি তাৰ পিছত দিনটোত কমেও তিনিবাৰ এই কাম পুনৰাবৃত্তি কৰক।
২) পদিনা চাহ খাই চাওক
গৱেষণাৰ পৰা দেখা গৈছে যে পদিনাত প্ৰদাহ নিবাৰণকাৰী গুণ আছে। ইয়াৰ লগতে ই বিষৰ পৰা সকাহ দিয়াতো সহায় কৰে। গৰম পদিনা চাহ খালে শ্লেষ্মা বাহিৰ হ’ব। ইয়াক বনাবলৈ নেমু মৌৰ দৰে উপাদান ব্যৱহাৰ কৰিব পাৰি। ইয়াৰ উপৰিও ই আপোনাৰ নাকৰ পথ মুকলি কৰে যাতে আপুনি ভালদৰে উশাহ ল’ব পাৰে।
৩) একাপ কফি খাওক
যদি নিউমোনিয়াৰ বাবে উশাহ-নিশাহ লোৱাত অসুবিধা হৈছে, তেন্তে একাপ কফি সেৱনে আপোনাক তৎক্ষণাত সকাহ দিব। একে সময়তে নেচনেল লাইব্ৰেৰী অৱ মেডিচিনে কেফেইন সম্পৰ্কে প্ৰকাশ কৰা এক অধ্যয়ন অনুসৰি কেফেইনে আপোনাৰ বায়ুপথ মুকলি কৰি দিয়ে, যাৰ বাবে পৰ্যাপ্ত পৰিমাণৰ অক্সিজেন হাওঁফাওঁত উপনীত হ’ব পাৰে। একে সময়তে ই Kovid-19 ৰ কিছুমান লক্ষণ নিয়ন্ত্ৰণতো সহায় কৰে।
৪) হালধি উপকাৰী
২০২০ চনত নেচনেল লাইব্ৰেৰী অৱ মেডিচিনৰ দ্বাৰা প্ৰকাশিত এক গৱেষণাৰ মতে হালধিত কাৰকুমিন নামৰ যৌগ থাকে। ইয়াৰ লগতে ইয়াৰ এন্টি-ইনফ্লেমেটৰী, এন্টিমাইক্ৰ’বিয়াল আৰু এন্টিঅক্সিডেন্ট গুণে শৰীৰক নিউমোনিয়াৰ লক্ষণৰ বিৰুদ্ধে যুঁজ দিয়াত সহায় কৰে। লগতে বিষৰ পৰা উপশম দিয়ে। গতিকে ইয়াক ব্যৱহাৰ কৰি নিউমোনিয়াত বুকুৰ বিষৰ পৰা সকাহ পাব পাৰি।
৫) লং আৰু আদাৰ চাহও ফলপ্ৰসূ
নেচনেল লাইব্ৰেৰী অৱ মেডিচিনৰ তথ্য অনুসৰি আদা আৰু লঙত প্ৰদাহ নিবাৰণকাৰী আৰু বিষ নিৰাময়কাৰী গুণ আছে। এনে অৱস্থাত চাহ হিচাপে খাব পাৰে। ই জমা হোৱা শ্লেষ্মা বাহিৰ কৰে, আৰু বুকুৰ বিষৰ পৰা উপশম পোৱাতো সহায় কৰে।
৬) নিজকে হাইড্ৰেটেড কৰি ৰাখক
শৰীৰত পানীৰ অভাৱ নহ’বলৈ কুহুমীয়া গৰম পানী খাব লাগে। ই আপোনাৰ শৰীৰটোক হাইড্ৰেটেড কৰি ৰখাৰ লগতে শৰীৰৰ বেয়া পদাৰ্থ বাহিৰ কৰি লগতে জ্বৰ কমোৱাত সহায় কৰে।
৭) মেথি গুটিৰ চাহ উপকাৰী
জাৰ্নেল অৱ ছৌদি ছ’চাইটি অৱ এগ্ৰিকালচাৰেল চাইন্সে ২০১৮ চনত প্ৰকাশ কৰা এক অধ্যয়ন অনুসৰি মেথি বীজৰ চাহ সেৱন কৰিলে ঘাম ওলায় আৰু শৰীৰটোৰ ৰোগ প্ৰতিৰোধ ক্ষমতা বৃদ্ধি কৰে । একে সময়তে ঘামৰ ফলত শৰীৰ শীতল হয়, এইদৰে জ্বৰো কমি যায়।
৮) বুকু বা গলত কʼফ জমা হ'লে কুন্দলিৰ পাতৰ ৰস সেৱন কৰিব
কুন্দুলিয়ে পাচনতন্ত্ৰ শক্তিশালী কৰে। কুন্দুলিৰ গা-গছ খুন্দি তাৰ ৰস উলিয়াই খালে ব্ৰংকাইটিছ ৰোগ নিৰাময় হয়।
কুন্দুলিৰ কেঁচা ফলৰ ৰসে জিভাত হোৱা ঘা শুকোৱাত সহায় কৰে। ই হৃদযন্ত্ৰ সুৰক্ষিত কৰে। লগতে সংক্ৰমিত ৰোগ দূৰ কৰে। ৫/৬ খিলা পাতৰ ৰস সেৱন কৰিলে কʼফ ওলাই আহিবলৈ সক্ষম হয়।
নিউমোনিয়াৰ আশংকা কেনেকৈ কম কৰিব পাৰি :
চেণ্টাৰ ফৰ ডিজিজ কণ্ট্ৰল এণ্ড প্ৰিভেনচনে নিউমোনিয়া সন্দৰ্ভত প্ৰকাশ কৰা তথ্য অনুসৰি আপোনাৰ ৰুটিনৰ কিছুমান গুৰুত্বপূৰ্ণ কামৰ যত্ন লৈ নিউমোনিয়াৰ সংক্ৰমণক নিজৰ পৰা আঁতৰাই ৰাখিব পাৰি।
• যদি আপুনি হাঁপানী, ডায়েবেটিছ আৰু হৃদৰোগত আক্ৰান্ত তেন্তে এই সমস্যাসমূহৰ বিশেষ যত্ন লওক।
• নিয়মিতভাৱে দুয়োখন হাত ভালদৰে ধুব লাগে। ই বেক্টেৰিয়া আৰু বীজাণু শৰীৰত প্ৰৱেশ কৰাত বাধা দিয়ে। খোৱৰ আগতে প্ৰতিবাৰে চাবোনেৰে হাত ধুব।
• সঘনাই স্পৰ্শ কৰা ঘৰৰ সকলো অংশ বা বস্তু পৰিষ্কাৰ কৰি ৰাখক।
• ধূমপান সম্পূৰ্ণৰূপে এৰি দিয়ক। ধূমপানৰ ধোৱা আপোনাৰ বাবেও ক্ষতিকাৰক হ’ব পাৰে। গতিকে ধোঁৱাৰ সংস্পৰ্শলৈ অহাৰ পৰা বিৰত থাকক।
• কাহ আৰু হাঁচিৰ সময়ত ৰুমাল ব্যৱহাৰ কৰিব লাগে। লগতে হাত আৰু কাপোৰেৰে মুখখন ঢাকিব নালাগে।
• পানী উতলাই ঠাণ্ডা কৰি বা কুহুমিয়া গৰম কৰি খাব লাগে।
• বাহিৰলৈ গলে মাখত মাস্ক পিন্ধি যাব লাগে।
• বাহিৰৰ খাদ্য আৰু পানী নোখোৱাই ভাল।
