( অপূৰ্ব দাস )
শীতকালৰ পাচলি মূলা পুষ্টিকৰ উপাদান, ভিটামিন আৰু খনিজ পদাৰ্থৰ প্ৰচুৰ পৰিমাণে পোৱা যায়। মূলাত কেলৰি অতি কম আৰু ইয়াত কলেষ্টেৰল নাথাকে। ইয়াত পৰ্যাপ্ত পৰিমাণে প্ৰটিন আৰু আঁহ থাকে। মূলাত প্ৰচুৰ পৰিমাণে ভিটামিন চি থাকে যিটো শৰীৰৰ ৰোগ প্ৰতিৰোধ ক্ষমতা শক্তিশালী কৰিবলৈ অতি প্ৰয়োজনীয়। গতিকে মূলা সেৱন কৰিলে কি কি উপকাৰ হয় জানো আহক-
• মূলাত এনে গুণ আছে যে ই প্ৰস্ৰাৱ উৎপাদনত উদ্দীপিত কৰি বৃক্ক পৰিষ্কাৰ কৰাত সহায় কৰে। দেহৰ হাত-ভৰি ফুলা নিৰাময়ত মূলাৰ ৰস ফলপ্ৰসূ আৰু প্ৰস্ৰাৱৰ সময়ত ব্যক্তিয়ে অনুভৱ কৰা জ্বলন অনুভূতি হ্ৰাস কৰে।
• মূলাত থকা এন্থ’চাইনিনৰ এন্টি-ইনফ্লেমেটৰী গুণ আছে যিয়ে হৃদযন্ত্ৰৰ লগত জড়িত ৰোগ প্ৰতিৰোধ কৰাত সহায় কৰে। ইয়াৰ উপৰিও ধমনী ৰোগ, হৃদযন্ত্ৰৰ বিকলতা আৰু বৃক্কৰ ৰোগ আদি অন্যান্য প্ৰভাৱ প্ৰতিৰোধ কৰাত সহায় কৰে।
• মূলাত এন্টি-কনজেষ্টিভ গুণ আছে আৰু ই নাক, ডিঙি,বায়ু নলী আৰু হাওঁফাওঁত উৎপন্ন হোৱা বিষ ৰোধ কৰাত সহায় কৰে। এই বিষ মূলতঃ চৰ্দি, সংক্ৰমণ, এলাৰ্জী আৰু অন্যান্য কাৰণত হয়।
• মূলাত পটাছিয়াম থাকে যিয়ে ৰক্তবাহী নলী শিথিল কৰি তেজৰ সোঁত বৃদ্ধি কৰাত সহায় কৰে। এইদৰে ই তেজৰ সোঁত নিয়ন্ত্ৰণ কৰি ৰক্তচাপ হ্ৰাস কৰে।
• মূলা খোৱাৰ ফলত তেজৰ চেনিৰ মাত্ৰাত কোনো প্ৰভাৱ নপৰে কাৰণ ইয়াৰ গ্লাইচেমিক সূচকাংক কম। মূলায়ে তেজত চেনিৰ শোষণো নিয়ন্ত্ৰণ কৰে আৰু সেয়েহে ডায়েবেটিছ ৰোগীৰ বাবে ইয়াক সেৱন কৰাটো নিৰাপদ।
• মূলাত ভিটামিন চিৰ উপস্থিতিয়ে ইয়াক আপোনাৰ খাদ্যত অন্তৰ্ভুক্ত কৰি শৰীৰৰ ৰোগ প্ৰতিৰোধ ক্ষমতা বৃদ্ধি কৰিবলৈ এক উত্তম বিকল্প কৰি তোলে। ভিটামিন চিয়ে শৰীৰৰ বিপাকীয় ক্ৰিয়া নিয়ন্ত্ৰণ কৰাত সহায় কৰে আৰু কলাজেন গঠন কৰে। কলাজেনে ৰক্তবাহী নলীৰ বেৰ শক্তিশালী কৰাত সহায় কৰে আৰু বিভিন্ন হৃদৰোগৰ আৰম্ভণি ৰোধ কৰে।
• মূলাৰ ৰস দেহত সানিলে খৰ, খজুৱতি বা ছালৰ ৰোগ দূৰ কৰে।
• মূলাই তেজ পৰিস্কাৰ কৰি তেজৰ পৰা বিষাক্ত পদাৰ্থ বাহিৰ কৰে।
• মূলাৰ ৰস মৌৰ লগত লগালে বলিৰেখা দূৰ হ'য় আৰু সৌন্দৰ্য্য বৃদ্ধি হ'য়।
• মূলাৰ ৰস পিয়াঁজৰ লগত খালে যৌন শক্তি বৃদ্ধি পায়।
• চৰ্দী হ'লে মূলাৰ ৰসত এচামুচ মৌৰ যোগ কৰি আদা এটুকুৰাৰ লগত খালে চৰ্দী -কাহ সোনকালে আৰোগ্য লাভ
কৰে।
• মূৰত উফি হ'লে নেমুটেঙাৰ ৰসৰ লগত মূলাৰ ৰস মিহলাই কিছু সময় লগাই মূৰ ধুলে উফি নাশ হ'য়।
সাৱধানতা: যি সকলৰ গেছ -গেষ্ট্ৰিকৰ সমস্যা আছে তেওঁলোকে কেৱল মূলাৰ ৰস গৰম কৰি দিনৰ ভাগতহে খাব লাগে। ৰাতি মূলা খোৱাৰ পৰা বিৰত থাকিব লাগে।
