( অপূৰ্ব দাস )
ডায়েবেটিছ হৈছে এনে এক বিপজ্জনক ৰোগ, য’ত তেজৰ চেনিৰ পৰিমাণ বেছি হৈ থাকে। যদি ইয়াক শুধৰোৱা নহয় তেন্তে ই বৃক্কৰো ক্ষতি কৰিব পাৰে।
ডায়েবেটিছ এক দুৰাৰোগ্য ৰোগ, ইয়াক কেৱল সম্পূৰ্ণৰূপে থিক কৰিব পৰা নাযায় ,নিয়ন্ত্ৰণ কৰিব পৰা যায়। ইয়াত তেজত গ্লুক’জৰ পৰিমাণ বৃদ্ধি পায়। দীৰ্ঘকালীনভাৱে এই অৱস্থাই স্নায়ু, চকু, বৃক্ক আদিৰ ক্ষতি কৰে। কিন্তু এক ভয়ংকৰ তথ্য পোহৰলৈ আহিছে যে গাখীৰ খোৱাটোৱেও এই ৰোগৰ বাবে ক্ষতিকাৰক। হয়, এইগাখীৰ যিটো সমগ্ৰ ভাৰততে আনন্দত পান কৰি আছে।
এটা প’ডকাষ্টত ফ্ৰিডম ফ্ৰম ডায়েবেটিছৰ প্ৰতিষ্ঠাপক ডাঃ প্ৰমোদ ত্ৰিপাঠীয়ে দাবী কৰিছে যে গৰু আৰু ম’হৰ পৰা পোৱা গাখীৰ খালে টাইপ ২ ডায়েবেটিছ হ’ব পাৰে। কেৱল গৰু বা ম’হই নহয়, যিকোনো প্ৰাণীৰ গাখীৰ খালে এই বিপজ্জনক ৰোগ হ’ব পাৰে।
ডাক্তৰে কয় যে গাখীৰত প্ৰটিন থাকে যাৰ ফলত তেজৰ চেনি উচ্চ হ’য়। বহু গৱেষণাইও এই কথা বিশ্বাস কৰে। চিকিৎসকৰ মতে শিশুৰ পৰা প্ৰাপ্তবয়স্কলৈকে সকলোৱে ( যি সকলৰ ডায়েবেটিচ আছে ) ইয়াৰ পৰা আঁতৰি থাকিব লাগে।
এই প্ৰটিন কি?
চিকিৎসকে কয় যে গাখীৰত আই জি এফ প্ৰটিন থাকে। আমি গাখীৰ গৰম কৰিলে পাত্ৰটোত বগা পদাৰ্থ এটা লাগি থাকে। ইয়াৰ আঁৰত আই জি এফ প্ৰটিন থাকে, যাৰ বাবে গাখীৰ পাত্ৰটোত লাগি থাকিবলৈ আৰম্ভ কৰে।
৭০ ট্ৰিলিয়ন কোষ বন্ধ হ'য় -
গাখীৰৰ ভিতৰত IGF নামৰ এটা অণু থাকে, যাক insulin like growth factor বোলা হয়। ডাক্তৰে বুজাই দিলে যে ৭০ ট্ৰিলিয়ন কোষৰ ওপৰত ৫ হাজাৰৰ পৰা ১০ হাজাৰ তৰপ আছে, সেইবোৰত আই জি এফ প্ৰটিনৰ তৰপ এটা লাগি থাকিবলৈ আৰম্ভ কৰে । যাৰ বাবে গ্লুক’জ কোষত প্ৰৱেশ কৰিব নোৱাৰে আৰু তেজত চেনি বৃদ্ধি হ’বলৈ আৰম্ভ কৰে।
ডায়েবেটিছ নিয়ন্ত্ৰণ কৰিব পাৰি। ইয়াৰ বাবে চিকিৎসকে প্ৰথমে পশুৰ গাখীৰ আৰু ইয়াৰ উৎপাদিত সামগ্ৰী ত্যাগ কৰিবলৈ পৰামৰ্শ দিয়ে। তেওঁ কয় যে যদিহে আপুনি নিজৰ অভ্যাস সলনি নকৰে তেতিয়ালৈকে আপোনাৰ স্বাস্থ্যৰ উন্নতি নহয়।
আই জি এফ আৰু ডায়েবেটিছৰ মাজৰ সম্পৰ্ক :
আমেৰিকান ডায়েবেটিছ এছ’চিয়েশ্যনৰ তথ্য অনুসৰি শৰীৰত ইয়াৰ পৰিমাণ বেছি বা কম হ’লে ইনচুলিন বাধাৰ সৃষ্টি হ’ব পাৰে। যাৰ বাবে ইনচুলিন ব্যৱহাৰ কৰিব নোৱাৰি তেজৰ চেনি বাঢ়ি গৈ থাকে।
