ফিটকিৰিয়ে স্বাস্থ্যৰ লগতে সৌন্দৰ্য্য বজাই ৰাখে, ইয়াৰ আচৰিত উপকাৰ জানিবলৈ পঢ়িব।
( অপূৰ্ব দাস )
পিটকিৰিত থকা ঔষধি গুণে স্বাস্থ্য আৰু ছালৰ সৈতে জড়িত বহু সমস্যা দূৰ কৰাত সহায় কৰে । ইয়াক ইংৰাজীত এলুম ( Alum ) বুলি কোৱা হয়, ৰাসায়নিক নাম হৈছে পটাছিয়াম।
আপুনি মুখৰ দুৰ্গন্ধ আঁতৰাব বিচাৰে বা বাৰ্ধক্যৰ প্ৰভাৱ কম কৰিব বিচাৰে, ইয়াত থকা ঔষধি গুণে মুখৰ ঘাঁ , গোন্ধ আৰু ছালৰ সৈতে জড়িত বহু সমস্যা দূৰ কৰাত সহায় কৰিব পাৰে।
এলুমৰ ৰাসায়নিক নাম হৈছে পটাছিয়াম এলুমিনিয়াম ছালফেট। যিটো এন্টিচেপ্টিক হিচাপে ব্যৱহাৰ কৰা হয়। এন্টিবায়টিক, এন্টি-ট্ৰাইক’ম’নাছ, এষ্ট্ৰিংজেণ্ট, এন্টিঅক্সিডেন্ট আৰু এন্টি-ইনফ্লেমেটৰী গুণ ফিটকিৰিত পোৱা যায়। যিয়ে দাৰি শ্বেভিঙৰ পৰা আৰম্ভ কৰি ঘা আৰু ব্ৰণলৈকে সকলো ভাল কৰাত সহায় কৰে । ফিটকিৰি ব্যৱহাৰ কৰিলে এজন ব্যক্তিয়ে কি উপকাৰ লাভ কৰে তলত উল্লেখ কৰা হ'ল -
• এন্টি এজিং :
মুখৰ অকালতে বলিৰেখা আঁতৰোৱাৰ বাবে ফিটকিৰি এক উত্তম প্ৰতিকাৰ । এই প্ৰতিকাৰ কৰিবলৈ ফিটকিৰি লাহে লাহে তিয়াই বৃত্তাকাৰ গতিৰে মালিচ কৰি মুখত ঘঁহিব লাগে। ২ মিনিট এনে কৰাৰ পিছত মুখখন শুকুৱাবলৈ দিব। আধা ঘণ্টা ধৰি মুখত এনেদৰে ৰখি পিছত মুখখন পৰিষ্কাৰকৈ ধুব। এই প্ৰতিকাৰ কৰিলে বলি ৰেখাৰ সমস্যা নাইকিয়া হৈ যায়।
• মুখ ধোৱাত ব্যৱহাৰ
ভাল মাউথৱাছ হিচাপেও ইয়াক ব্যৱহাৰ কৰিব পাৰে। এক গৱেষণাৰ পৰা দেখা গৈছে যে দাঁতত জমা হোৱা ক্ষতিকাৰক বেক্টেৰিয়া ধ্বংস কৰাত সহায় কৰে। এনে পৰিস্থিতিত ক’ব পাৰি যে ফিটকিৰি মুখ ধোৱা বস্তু হিচাপে উপযোগী । কিন্তু এই ঔষধ গ্ৰহণ কৰাৰ সময়ত বিশেষ সাৱধানতা অৱলম্বন কৰিব।
• প্ৰস্ৰাৱৰ সংক্ৰমণ
এক প্রতিবেদনত প্রকাশ পোৱা মতে, ফিটকিৰিয়ে সংক্রমণৰ ফলত মূত্ৰাশয়ৰ পৰা প্ৰচণ্ড ৰক্তক্ষৰণ ৰোধ কৰাত সহায় কৰিব পাৰে। এই ভিত্তিত বিশ্বাস কৰিব পাৰি যে ফিটকিৰিৰ উপকাৰিতাই প্ৰস্ৰাৱৰ সংক্ৰমণতো সহায়ক হ’ব পাৰে। অৱশ্যে ইয়াক পোনপটীয়াকৈ ব্যক্তিগত অংশত ব্যৱহাৰ কৰিব নালাগে। এনে কৰিলে জ্বলা-পোৰা সমস্যাৰ সৃষ্টি হ’ব পাৰে। সংক্ৰমণৰ দূৰ কৰিবলৈ চিকিৎসকৰ পৰামৰ্শৰ পিছতহে ফিটকিৰি ব্যৱহাৰ কৰিব লাগে।
• আঘাত বা ঘাঁ ভাল কৰিবলৈ
ফিটকিৰিৰ ঘাঁ নিৰাময়ৰ গুণো আছে। এই কাৰণেই মানুহে কটা বা আনকি সৰু ঘাঁ পৰিষ্কাৰ আৰু ভাল কৰিবলৈ ইয়াক ব্যৱহাৰ কৰে।
• ব্ৰণ বা শালইমনাৰ বাবে ব্যৱহাৰ
ফিটকিৰি ব্যৱহাৰ কৰিলে আপুনি ব্ৰণৰ সমস্যাৰ পৰাও সকাহ পাব পাৰে। ইণ্টাৰনেশ্যনেল জাৰ্নেল অৱ উইমেনছ ডাৰ্মাট’লজীত প্ৰকাশিত গৱেষণাৰ মতে, ফিটকিৰিয়ে ইয়াৰ এষ্ট্ৰিংজেণ্ট গুণৰ বাবে ছিদ্ৰবোৰ টান কৰাত সহায় কৰে । ছিদ্ৰ বৃদ্ধি হোৱাৰ বাবে ব্ৰণৰ সম্ভাৱনা অধিক হৈ থাকে। এই প্ৰতিকাৰ কৰিবলৈ মুখৰ ছালত ফিটকিৰিৰ পেষ্ট ব্যৱহাৰ কৰাটো বাঞ্ছনীয়। কিন্তু মনত ৰাখিব যে ইয়াৰ অত্যধিক ব্যৱহাৰে আপোনাৰ ছালখন ক’লা কৰি তুলিব পাৰে। সেয়েহে দিনত মাথো এবাৰহে ব্যৱহাৰ কৰিব লাগে।
• মুখৰ আলচাৰৰ চিকিৎসা
ফিটকিৰিৰ লগত কুহুমীয়া পানী মিহলাই কুলকুলি কৰিলে মুখৰ আলচাৰৰ সমস্যা হ্ৰাস পায় । আচলতে ইয়াৰ এন্টি-বেক্টেৰিয়েল গুণ আছে, যাৰ ফলত ঘাঁটো লাহে লাহে কমাব পাৰে। ইয়াৰ বাবে গৰম পানীত এলুম মিহলাই তাৰ লগত কিছু সময় কুলকুল কৰি লওক। ইয়াৰ দ্বাৰা মুখৰ আলচাৰৰ সমস্যাৰ পৰা বহু পৰিমাণে সকাহ পোৱা যায়।
• পেটৰ সমস্যাৰ পৰা সকাহ
পেটৰ লগত জড়িত সমস্যাৰ পৰা সকাহ পাবলৈ ফিটকিৰি গৰম পানীত মিহলাই খাব পাৰে। ই বাত দোষৰ ভাৰসাম্য ৰক্ষা কৰে। ইয়াৰ ফলত হজম শক্তি আৰু কোষ্ঠকাঠিন্যৰ সমস্যা দূৰ হ’য় । ইয়াৰ উপৰিও গেছ, বদহজম আৰু পেট ফুলাৰ পৰাও সকাহ দিব পাৰে। যদি আপুনি দীৰ্ঘদিন ধৰি কোষ্ঠকাঠিন্যত ভুগি আছে তেন্তে ফিটকিৰিৰ পানী আপোনাৰ বাবে অতি স্বাস্থ্যকৰ হ’ব পাৰে।
• দ্ৰুতভাৱে ওজন কমাবলৈ
বৰ্ধিত শৰীৰৰ ওজন কম কৰিবলৈ যদি আপুনি ফিটকিৰ লগত কুহুমীয়া পানী মিহলাই পান কৰে তেন্তে ই আপোনাৰ ওজন হ্ৰাস কৰাত ফলপ্ৰসূ হ’ব পাৰে। ইয়াক সেৱন কৰিলে আপোনাৰ বিপাকীয় ক্ৰিয়া দ্ৰুতগতিত ক্ষয় হয়, যিটো ওজন কমাবলৈ ফলপ্ৰসূ হ’ব পাৰে।
• কাহৰ পৰা মুক্তি
কুহুমীয়া পানী মিহলাই ফিটকিৰি খালে কাহৰ সমস্যাৰ পৰা উপশম পোৱা যায়। আচলতে ইয়াৰ এন্টি-বেক্টেৰিয়েল, এন্টি-ফাংগেল আৰু এন্টিঅক্সিডেন্ট গুণ আছে, যিয়ে বুকুত জমা হোৱা শ্লেষ্মা আঁতৰাব পাৰে। ইয়াৰ ফলত কাহৰ সমস্যা বহু পৰিমাণে হ্ৰাস পাব পাৰে। একে সময়তে কাহৰ পৰা সকাহ দিয়াতো ই ফলপ্ৰসূ হ’ব পাৰে।
• শৰীৰৰ আৱৰ্জনা আঁতৰায়
কুহুমীয়া পানীৰ লগত মিহলি ফিটকিৰি খালে শৰীৰৰ ভিতৰত জমা হোৱা ক্ষতিকাৰক পদাৰ্থ কমাব পাৰি। ইয়াত থকা ঔষধি গুণে আপোনাৰ শৰীৰৰ তেজ বিশুদ্ধ কৰিব পাৰে। সংক্ৰমণ আৰু এলাৰ্জীৰ দৰে সমস্যাৰ পৰাও সকাহ দিব পাৰে।
• টিউমাৰ আৰু কেঞ্চাৰ দূৰ কৰে
জন্তুৰ ওপৰত কৰা অধ্যয়নৰ পৰা জনা গৈছে যে ই টিউমাৰ আৰু কেঞ্চাৰ ৰোধ কৰিবলৈ সক্ষম হৈছে।
সাৱধানতা: মনত ৰাখিব, ইয়াক ব্যৱহাৰ কৰাৰ আগতে চিকিৎসকৰ পৰামৰ্শ লোৱা উচিত। ইয়াক কিমান পৰিমাণে লৈ খাব পাৰি সেই কথাটো উল্লেখ নকৰিলোঁ। সেয়েহে চিকিৎসকৰ পৰামৰ্শ লৈ ব্যৱহাৰ কৰিব।
অধিক জানিবলৈ ভিডিঅ'টি চাব -
