এই ৬ চেলিব্ৰিটি দম্পতীৰ বিবাহ বিচ্ছেদ ২০২৪ চনত, কিছুমানে ১৮ বছৰীয়া সম্পৰ্ক শেষ কৰিছিল
By Good Assam
২০২৪ চনত বিবাহ বিচ্ছেদৰ বাবে বহু চেলিব্ৰিটি দম্পতীয়ে বাতৰিৰ শিৰোনাম দখল কৰিছিল।
এই বছৰ বহু চেলিব্ৰিটি দম্পতীয়ে বিবাহ বিচ্ছেদৰ মাজেৰে পাৰ হ’বলগীয়া হৈছিল। ইয়াৰ ভিতৰত কিছুমান দম্পতী আছে যাৰ বিবাহৰ বয়স আছিল ২১-২৫ বছৰ। ইমান বছৰ একেলগে থকা আৰু একেলগে জীৱনৰ উত্থান-পতন দেখা এই দম্পতীয়ে এই বছৰ তেওঁলোকৰ সম্পৰ্কৰ অন্ত পেলায়। ২০২৪ চনত বিচ্ছেদ হোৱা বিখ্যাত চেলিব্ৰিটি দম্পতীৰ বিষয়ে জানো আহক -
(১) ঈশা দেওল আৰু ভাৰত তাখতানি
অভিনেত্ৰী তথা শাস্ত্ৰীয় নৃত্যশিল্পী ঈশা দেউল আৰু তেওঁৰ প্ৰাক্তন স্বামী ভাৰত তাখতানিয়েও ২০২৪ চনত বিবাহ বিচ্ছেদৰ সিদ্ধান্ত লৈ সকলোকে আচৰিত কৰি তুলিছে। ১১ বছৰ পূৰ্বে ভাৰত আৰু ঈশাৰ বিবাহ হৈছিল আৰু ২০২৪ চনত দুয়ো বিচ্ছেদ হোৱাৰ সিদ্ধান্ত লৈছিল।
(২) হাৰ্দিক পাণ্ডিয়া আৰু নাটাছা
২০২৪ চনত আটাইতকৈ বেছি হুলস্থুলৰ সৃষ্টি কৰা বিবাহ বিচ্ছেদটো আছিল হাৰ্দিক আৰু নাটাছাৰ বিবাহ বিচ্ছেদ। এই দম্পতীহালে শিশুও জন্ম দিছিল। সেই সময়ত অহৰহ বাতৰিৰ শিৰোনাম দখল কৰিছিল আৰু অৱশেষত এই বছৰতে তেওঁলোকৰ ৩ বছৰীয়া বিবাহৰ অন্ত পেলাইছিল।
(৩) ঐশ্বৰ্য ৰজনীকান্ত আৰু ধনুশ
চাউথ ছুপাৰষ্টাৰ ৰজনীকান্তৰ পৰিয়ালৰ পৰাও বিবাহ বিচ্ছেদৰ খবৰ আহিছিল। এই বছৰ ৰজনীকান্তৰ জ্যেষ্ঠ কন্যা ঐশ্বৰ্য আৰু অভিনেতা ধনুশৰ বিবাহ বিচ্ছেদ হৈছিল। মাত্ৰ ২ বছৰ আগতে তেওঁলোকৰ মাজত বিচ্ছেদৰ খবৰ আহিছিল। অৱশ্যে পিছত দুয়োজনে নিজৰ সম্পৰ্কক আন এটা সুযোগ দিয়াৰ সিদ্ধান্ত লয় যদিও অৱশেষত ২০২৪ চনত দুয়োৰে মাজত বিচ্ছেদ ঘটে।
(৪) এ.আৰ. ৰেহমান আৰু ছাইৰা বানু
অস্কাৰ বিজয়ী সুৰকাৰ এ আৰ ৰহমান আৰু ছাইৰা বানুৰ বিবাহ বিচ্ছেদৰ কথা এইবাৰ বহু চৰ্চিত হৈছিল। ২৯ বছৰীয়া বিবাহৰ অন্ত পেলাই বিচ্ছেদ ঘটে।
(৫) ছানিয়া মিৰ্জা আৰু শ্বোয়াইব মালিক
ভাৰতৰ জনপ্ৰিয় মহিলা টেনিছ তাৰকা ছানিয়া মিৰ্জা আৰু তেওঁৰ প্ৰাক্তন স্বামী শ্বোয়াইব মালিকে ২০২৪ চনৰ জানুৱাৰী মাহত তেওঁলোকৰ বিবাহ বিচ্ছেদ নিশ্চিত কৰিছিল। ছানিয়া আৰু শ্বোয়াইবে যোৱা ২ বছৰ ধৰি পৃথকে পৃথকে আছিল।
(৬) উৰ্মিলা মাটোণ্ডকাৰ আৰু মহছিন
অভিনয়ৰ পিছত ৰাজনীতিত নিজৰ ভাগ্য পৰীক্ষা কৰা অভিনেত্ৰী উৰ্মিলা মাটোণ্ডকাৰ আৰু প্ৰাক্তন স্বামী মহছিন আখতাৰ মিৰৰ মাজত ২০২৪ চনত বিবাহ বিচ্ছেদ হয়। ৮ বছৰ পূৰ্বে ২০১৬ চনত মুম্বাইত বিবাহপাশত আবদ্ধ হৈছিল দুয়োৰে।
বিবাহ বিচ্ছেদৰ কাৰণ কি?
এই সকলোবোৰ দম্পতীৰ বিচ্ছেদৰ আঁৰত বিভিন্ন কাৰণ আছিল। য’ত হাৰ্দিক পাণ্ডিয়া-নতাছা আৰু ছানিয়া-শ্বোৱেবৰ বিবাহ বিচ্ছেদত তৃতীয় পক্ষ ( আন কোনোবাক পৰকীয়া প্ৰেম কৰা ) অহাৰ খবৰ আহিছিল।
একে সময়তে ঈশা দেওলে কয় যে তেওঁৰ বিবাহ জীৱনত নিজে অকলশৰীয়া অনুভৱ হৈছে।
আনহাতে এ আৰ ৰহমান আৰু তেওঁৰ প্ৰাক্তন পত্নী ছাইৰা বানুৱে কয় যে ২৯ বছৰ একেলগে থকাৰ পিছত তেওঁলোকৰ সম্পৰ্কত আৱেগিক মানসিক চাপ অনুভৱ কৰিছিল আৰু সেইবাবেই এতিয়া বিচ্ছেদ ঘটিছে।
দম্পতীৰ মাজত বিবাহ বিচ্ছেদ বন্ধ হ’ব পাৰেনে?
যিকোনো সম্পৰ্কক দ্বিতীয়বাৰৰ বাবে সুযোগ দিয়াটোৱেই হ’ব পাৰে সেই সম্পৰ্কক বচাবলৈ আটাইতকৈ ডাঙৰ প্ৰচেষ্টা। প্ৰতিযোগিতা আৰু উচ্চাকাংক্ষা বৃদ্ধি পোৱা পৰিৱেশত ইজনে সিজনক তেওঁলোকৰ কেৰিয়াৰৰ লক্ষ্য আৰু সপোনত উপনীত হোৱাত সহায় কৰিব লাগে আৰু সময় দিব লাগে। পৰকীয়া প্ৰেমৰ বাবে সম্পৰ্ক এটা ধ্বংস হ'বলৈ দিব নালাগে।
একেদৰে ইজনে সিজনৰ সিদ্ধান্তক সন্মান কৰি তেওঁলোকৰ মতামত বুজিলে বিচ্ছেদ আৰু বিচ্ছিন্নতাৰ দৰে পৰিস্থিতিৰ পৰা হাত সাৰিব পাৰি।
