যদি শনিৰ কূ প্ৰভাৱ আপোনাৰ ওপৰত আছে তেন্তে এই প্ৰতিকাৰ কৰক। নিশ্চয় কূ প্ৰভাৱ আঁতৰ হ'ব

যদি শনিৰ কূ প্ৰভাৱ আপোনাৰ ওপৰত আছে তেন্তে এই প্ৰতিকাৰ কৰক। নিশ্চয় কূ প্ৰভাৱ আঁতৰ হ'ব।

( অপূৰ্ব দাস )

শনি গ্ৰহক ক্ৰুৰ গ্ৰহ বুলিও কোৱা হয়। পাপ কাম কৰিলে শনিয়ে ন্যায় বিচাৰ কৰি শাস্তি প্ৰদান কৰে। পৃথিৱীৰ সকলো লোহা, চিলভাৰ, তেল আৰু ক’লা শিলৰ ওপৰত শনিৰ প্ৰভাৱ আছে।

শনিদেৱে মানুহে কৰা পাপ আৰু বেয়া কাম আদিৰ শাস্তি দিয়ে বুলি বিশ্বাস কৰা হয়। শনিদেৱৰ কাৰণে গণেশ প্ৰভুৰ মূৰটো চিঙি গৈছিল কাৰণ গনেশ সৰুতে উদণ্ড আছিল।

 কোৱা হয় যে শনিদেৱৰ কাৰণে ৰাম বনবাসলৈ যাবলগীয়া হৈছিল । ৰাৱণৰ মৃত্যুৰ কাৰণো শনিৰ কূ প্ৰভাৱ, পাণ্ডৱসকলেও শনিৰ কূ প্ৰভাৱৰ বাবে ৰাজ্যৰ পৰা বহিষ্কাৰ হ'বলগীয়া হৈছিল, বিক্ৰমাদিত্যইও শনিৰ কূ প্ৰভাৱৰ বাবে বহু কষ্ট ভোগ কৰিবলগীয়া হৈছিল, ৰজা হৰিশচন্দ্ৰইও শনিৰ কূ প্ৰভাৱৰ বাবে বহু বাধাৰ সন্মুখীন হ’বলগীয়া হৈছিল আৰু ৰজা নল আৰু তেওঁৰ ৰাণী দময়ন্তীয়েও শনিৰ কূ প্ৰভাৱৰ বাবে জীৱনত বহু কষ্টৰ সন্মুখীন হ’বলগীয়া হৈছিল।

শনিৰ কূ প্ৰভাৱৰ ফলত কি হ'ব পাৰে ?

 • শনিৰ অশুভ প্ৰভাৱৰ বাবে সুখৰ ঘৰ ভাঙি যায় বা পৰিয়ালৰ মাজত হাই,-কাজিয়াৰ সৃষ্টি হয়।

• ঋণ বা কাজিয়াৰ বাবে সম্পত্তিৰ ক্ষয় হ'য়।

• শনিৰ কূ প্ৰভাৱৰ ফলতো মূৰৰ চুলি দ্ৰুতগতিত সৰি পৰে।

• হঠাৎ ঘৰ বা দোকানত জুই লাগিব পাৰে।

 

• যিকোনো প্ৰকাৰে ধন-সম্পত্তি ধ্বংস হয়।

 

• অকালতে দাঁত সৰে বা দাঁতৰ ৰোগ হয় আৰু চকুৰ ৰোগ হ'য়।

• যান-বাহনত দূৰ্ঘটনা হ'য়।

• বেয়া বন্ধু বা বেয়া সংগী লাভ কৰে।

• টকা-পইচাৰ ক্ষতি হ'য় বা আনে আত্মসাৎ কৰে।

• শনিৰ কূ প্ৰভাৱত বিভিন্ন ৰোগ শৰীৰৰত উৎপন্ন হয়। ঘৰৰ পৰিয়ালৰ মানুহো ৰোগী হৈ পৰে।

• শনিৰ কূ প্ৰভাৱৰ বাবে সৌন্দৰ্য্য কমি যায়।

• আনৰ পৰা অপমান পাব পাৰে। শত্ৰু বৃদ্ধি হ'ব পাৰে ।

• মানসিক চাপ বৃদ্ধি পায়, চাকৰি হেৰুৱাব লগা হয়, ব্যৱসায়ত লোকচান হয় ইত্যাদি।

যদি শনিৰ অতি বেয়া কূ প্ৰভাৱ পৰে -

 • আন্য নাৰী বা পুৰুষৰ সৈতে সম্পৰ্ক স্থাপন কৰি এজন ব্যক্তি নষ্ট হয়।

 

• জুৱা, বাজি আদি কৰি এজন ব্যক্তি নষ্ট হয়। মদ আৰু নিচাযুক্ত দ্ৰব্য খাবলৈ আৰম্ভ কৰে।

• যিকোনো ক্ষেত্ৰতে এজন ব্যক্তিয়ে জেললৈ যাব পাৰে।

• ব্যক্তিজনৰ মানসিক অৱস্থাৰ অৱনতি ঘটিব পাৰে। তেওঁ পাগলও হ’ব পাৰে।

 

• এজন ব্যক্তি অত্যধিক মদ্যপানৰ প্ৰতি আসক্ত হৈ মৃত্যুৰ ওচৰ চাপি আহে।

 

• এজন ব্যক্তি যিকোনো গুৰুতৰ ৰোগৰ বলি হৈ চিকিৎসালয়ত ভৰ্তি হব পাৰে।

• ভয়ংকৰ দুৰ্ঘটনাত এজন ব্যক্তি অক্ষম হ’ব পাৰে বা মৃত্যুও হ’ব পাৰে।

• এজন পুৰুষ লম্পদ আৰু চৰিত্ৰ হীন হৈ পৰে। নাৰীৰ ক্ষেত্ৰতো এগৰাকী নাৰী চৰিত্ৰৰ হীন হৈ পৰে।

• তেওঁ কূ- কৰ্মত আগ্ৰহী হৈ পৰে।

• শনি-ৰাহু-কেতু এই তিনিটা গ্ৰহৰ কূ প্ৰভাৱৰ ফল একেই।

শনিৰ সু প্ৰভাৱ যেতিয়া এজন ব্যক্তিৰ লগত থাকে -

• যদি শনিৰ অৱস্থান শুভ হয় তেন্তে ব্যক্তিজনে প্ৰতিটো ক্ষেত্ৰতে আগবাঢ়ি যায়।

• শনি শুভ হলে কোনো ব্যক্তিয়ে জীৱনত কোনো ধৰণৰ বিপদৰ সন্মুখীন নহয়।

• চুলি আৰু নখ মজবুত হৈ পৰে। সৌন্দৰ্য্য বৃদ্ধি পায়।

• এনে ব্যক্তি ন্যায়পৰায়ণ আৰু সমাজত বহুত সন্মান লাভ কৰে।

 

• গৃহ নিৰ্মাণ আৰু দালালৰ কামত আপুনি সফলতা লাভ কৰে।

• ব্যক্তিজন মাটিৰ মালিক আৰু ধন-সম্পত্তিত ধনী হ'য়।

 • যদি কোনো ব্যক্তিয়ে লোহাৰ সৈতে জড়িত কোনো কাম কৰি আছে তেন্তে তেওঁ তাত অপৰিসীম ধন পায়।

শনিৰ কূ প্ৰভাৱ দূৰ কৰাৰ উপায় -

• প্ৰথমে শনিৰ প্ৰভু ভৈৰৱৰ পৰা ক্ষমা বিচাৰি পূজা কৰক।

• কেৱল হনুমানেহে আপোনাক শনিৰ কামোৰৰ পৰা বচাব পাৰে, তেতিয়া হনুমান চলিছা দৈনিক পঢ়ক। 

• শনিৰ শান্তিৰ বাবে মহামৃত্যুঞ্জয় মন্ত্ৰো জপ কৰিব পাৰে।

• তিল, ক'লা মাটিমাহ , ম'হ, লোহা, সৰিয়হ তেল, ক'লা কাপোৰ, ক'লা গৰু আৰু কলা জোতা দান কৰিব লাগে।

• শনিবাৰৰ দিনা পশ্চিম মুখ হৈ এখন মাটিৰ থালত সৰিয়হৰ তেল ল'ব আৰু নিজৰ মুখখন চাব আৰু 

"ওম হ্রাং হ্রীং হ্রং হ্রৈং হ্রৌং হ্রঃ হং হনুমতে ৰুদ্রাত্মকায় হুং ফট্। 

ওম হং হনুমন্তায় নমঃ ওম নমো হনুমতে ৰুদ্রাবতাৰায় সর্বশত্রুসংহাৰণায় সর্বৰোগ হৰায় সর্ববশীকৰণায় ৰামদূতায় স্বাহা।।

এই মন্ত্ৰ ২১ বাৰ উচ্চাৰণ কৰিব আৰু ছায়াদান কৰক অৰ্থাৎ এই সৰিয়হৰ তেল পাপৰ ক্ষমা বিচাৰি শনি মন্দিৰত দান কৰিব । এনেদৰে ৯ টা নাইবা ২১ টা শনিবাৰ ব্ৰত ৰাখি এই কাম কৰিব। শনিবাৰৰ দিনা উপবাস পালন কৰিব। পূজা বা দান কৰাৰ পিছত ফল আৰু পানী খাব পাৰে।

এই দিনটোত মাছ-মাংস খোৱা উচিত নহয়।

 • সদায় দাঁত, নাক আৰু কাণ পৰিষ্কাৰ কৰি ৰাখিব লাগে।

 

• অন্ধ, কথা কব নোৱাৰা , চাকৰ আৰু ঝাড়ু দিয়া লোকৰ লগত ভাল হওক। ঝাড়ু দি থকা সময়ত ঝাড়ুৰ ওচৰত নাথাকিব। ঝাড়ু গাত লাগিলে শনি-ৰাহু-কেতুৰ কূ প্ৰভাৱ দুয়োজনৰ গাতে লাগে।

 • কেতিয়াও অহংকাৰ বা আনক টান কথা নকৰিব, নম্ৰ হৈ থাকক।

• কাউৰী আৰু কলা কুকুৰক খাদ্য দান কৰা উচিত।

 

• কোনো দেৱী, দেৱ, গুৰু আদিক অপমান নকৰিব।

 

• মদ খোৱা, জুৱা খেলা, সুতত টকা লোৱা ব্যৱসায় তৎক্ষণাত বন্ধ কৰক।

• আনক টকা ধাৰৰলৈ নিদিব।

• চৰিত্ৰ হীন কাম বা যৌনতাৰ কাম ত্যাগ কৰিব লাগিব। নহ'লে শনি-ৰাহু-কেতুৰ কূ প্ৰভাৱ কেতিয়াও আঁতৰি নাযায়।

•Lapis Lazuli/ Lajward Stone সোঁ হাতৰ মধ্যমা আঙুলিত পিন্ধিব লাগে। কাৰণ হাতৰ মধ্যমা আঙুলিৰ তলৰ স্থানেই হৈছে শনিৰ স্থান।

এই ৰত্ন ধাৰণ কৰিলে শনি-ৰাহু-কেতুৰ কূ প্ৰভাৱ আঁতৰ হ'য়। 

মনত ৰাখিব :

লগ্ন আৰু ৰাশি দুয়োটা বেলেগ , যেনে ৰাশি কন্যা কিন্তু লগ্ন হৈছে মীন। 

এনে ক্ষেত্ৰত দৃষ্টি ৰাখিব । যি সকলৰ লগ্ন মিথুন, তুলা , কন্যা, মকৰ, বৃষ আৰু কুম্ভ তেওঁলোকে Lapis Lazuli 

( Neelam ) পিন্ধিব পাৰে। মেঘ লগ্নৰ জাতক সকলেও বিশেষ ধ্যান ৰাখি বা এজন জ্যোতিৰ্বিদক দেখুৱাইহে ধাৰণ কৰিব।

কৰ্কট, সিংহ, ধনু , মকৰ আৰু মীন লগ্নৰ ব্যক্তি সকলে নীলম ধাৰণ কেতিয়াও নকৰিব। মানসিক ৰোগ থকা ব্যক্তিয়েও নীলম ধাৰণ নকৰিব। নীলম ধাৰণ কৰাৰ লগে লগে কূ-প্ৰভাৱ লাগিব পাৰে, কিন্তু ইয়াৰ শুভ ফল লাভ কৰিবলৈ ১৫ দিন লাগিব। সেয়েহে এজনে জ্যোতিষিৰ পৰামৰ্শ লৈ হে পিন্ধিব।

শনি দেৱতাৰ মূৰ্তি দৰ্শন কৰাটো অশুভ। শনি দেৱতাৰ ছবিও দৰ্শন কৰা উচিত নহয়। এনে মন্দিৰত যাব য'ত শনি দেৱৰ মূৰ্তি নাথাকে। শনি দেৱক ক'লা শিলৰ ৰূপতহে পূজা কৰা উচিত। এই কথা মন্দিৰৰ পুৰোহিতে জনা উচিত। শনি দেৱক ঘৰত পূজা কৰিব নালাগে। শনি মন্দিৰ বা তিনি আলীৰ মূৰত কৰিব লাগে। শনি মন্দিৰৰ পৰা আহি সকলো বস্ত্ৰ তিয়াই লৈ গা ধুইহে গৃহ প্ৰৱেশ কৰা উচিত।

ৰাহু আৰু কেতুৰ কূ প্ৰভাৱ পৰিলে জীৱনত কি কি সমস্যা হয়? জানিবলৈ পঢ়িব।