( অপূৰ্ব দাস )
শীতত বহুতৰে শুকান আৰু নিৰ্জীৱ ছাল হয়। শীতকাল আৰম্ভ হোৱাৰ লগে লগে এনে সমস্যাই মানুহক অশান্তি দিয়া দেখা যায়। বহু ধৰণৰ মইশ্ব’ৰাইজাৰ আৰু বডি লোচন ব্যৱহাৰ কৰে যদিও সুফল নিদিয়ে।
মইশ্ব’ৰাইজাৰ আৰু বডি লোচনৰ বাহিৰেও আন বহুতো উপায় আছে যাৰ দ্বাৰা ছালৰ যত্ন ল’ব পাৰি। যদি আপুনি এই শীতকালীন সৌন্দৰ্য্যৰ কিছুমান টিপছ সঠিকভাৱে পালন কৰে, তেন্ত সকলো সময়তে যৌৱন ধৰি ৰাখিবলৈ সক্ষম হ'ব।
শীতকালত কেনেকৈ ছাল-আৰু চুলিৰ যতন লৈ যৌৱন ধৰি ৰাখিব পাৰি জানিবলৈ পঢ়িব -
১/ আপোনাৰ খাদ্যাভ্যাসৰ যত্ন লওক
সকলোৱে বিচাৰে তেওঁলোকৰ ছালখন সদায় ডেকা দেখাব লাগে। ইয়াৰ বাবে মানুহে বহু ধৰণৰ সৌন্দৰ্য্য সামগ্ৰী ব্যৱহাৰ কৰে। কিন্তু কেৱল বাহিৰৰ পৰাই নহয় ছালৰ সৌন্দৰ্য্যৰ বাবে ভিতৰৰ পৰাও পুষ্টিৰ প্ৰয়োজন। আপোনাৰ খাদ্য যিমানেই স্বাস্থ্যকৰ হ’ব সিমানেই আপোনাৰ ছালখন জিলিকি উঠিব। ফলমূলৰ পৰা আৰম্ভ কৰি শাক-পাচলি আৰু অন্যান্য খাদ্য সামগ্ৰীলৈকে আমি ইয়াৰ যত্ন ল’ব লাগিব।
এনে ফল-মূল খাদ্যত অন্তৰ্ভুক্ত কৰিব লাগিব, যিবোৰত প্ৰচুৰ এন্টিঅক্সিডেন্ট থাকে। যিবোৰ কমলা, মধুৰী, মিঠা বগৰী, ঔটেঙা ইত্যাদি বতৰৰ ফল খোৱা উচিত।
শীতকালৰ খাদ্যত সেউজীয়া শাক-পাচলি অন্তৰ্ভুক্ত কৰিব লাগে । ইয়াৰ দ্বাৰা আপুনি শৰীৰৰ বাবে প্ৰয়োজনীয় বহুতো পুষ্টিকৰ উপাদান লাভ কৰে। লাই, পালেং, মেথি, মূলা, গাজৰ , সৰিয়হ কিছুমান সেউজীয়া শাক যিবোৰ শীতকালত সহজে পোৱা যায়।
আমাৰ ছালৰ বাবে ভাল চৰ্বি এক অপৰিহাৰ্য পুষ্টিকৰ উপাদান। শীতকালত ই আমাৰ ছালত আৰ্দ্ৰতা বজাই ৰাখে। সৰু মাছ, বাদাম, গাখীৰ আদি স্বাস্থ্যকৰ চৰ্বিযুক্ত সামগ্ৰী খাদ্য তালিকাত অন্তৰ্ভুক্ত কৰক।
২/ মইশ্ব'ৰাইজাৰ ব্যৱহাৰ কৰিব
শীতকাল আৰু এই বতৰত সৃষ্টি হোৱা প্ৰদূষণে আমাৰ ছালৰ পৰা আৰ্দ্ৰতা শুহি লয়। ইয়াৰ বাবে মুখখন শুকান হৈ পৰে আৰু ইয়াৰ ওপৰত দাগ দেখা দিয়ে। এনে পৰিস্থিতিত ছালত আৰ্দ্ৰতা কৃত্ৰিমভাৱে যোগান ধৰাৰ প্ৰয়োজন হয়। ইয়াক বডি লোচন, মইশ্ব’ৰাইজাৰ, ক্ৰীমৰ ৰূপত বজাৰত পোৱা যায়। আপুনি ঘৰুৱা পদ্ধতিৰে ছালখনো মইশ্ব’ৰাইজ কৰিব পাৰে। শীতকালত ইয়াক প্ৰতিদিনে ব্যৱহাৰ কৰিব। কাৰণ যদি আপুনি এই কাম নকৰে তেন্তে আপোনাৰ ছালখন শুকান হৈ থাকিব। ঘৰতে মইশ্বাৰাইজাৰ এনেদৰে প্ৰস্তুত কৰক -
এচামুচ মৌ, ২ চামুচ গাখীৰ, কমলাৰ ৰস বা নেমুৰ ৰস এচামুচ আৰু গ্লীচাৰিণ ২ চামুচ মিহলাই সপ্তাহত ৪ দিন গা ধোৱাৰ আগতে ১৫ মিনিট ছালত লগাব। ইয়াৰ পিছত পৰিস্কাৰ পানীৰে গা ধুই আপোনাৰ প্ৰিয় মইশ্বাৰাইজাৰ ব্যৱহাৰ কৰিব। মইশ্বাৰাইজাৰ ব্যৱহাৰ কৰাৰ ১০ মিনিট পিছত চানস্ক্ৰীণ ল্যোচন ব্যৱহাৰ কৰিব।
৩/ তেলৰ দ্বাৰা মালিচ
আমাৰ ছালৰ বাবে তেল অতি প্ৰয়োজনীয়। শীতকালত ইয়াৰ ব্যৱহাৰে ছালত আৰ্দ্ৰতা প্ৰদান কৰে। শীতকালত ছালখনো শুকান হৈ পৰে। আজিকালি মানুহে গা ধুওঁতে গৰম পানী বেছি ব্যৱহাৰ কৰে। গৰম পানীৰে গা ধুলে আমাৰ ছাল শুকান হয়, যাৰ ফলত মূৰত উফিৰ সমস্যা বৃদ্ধি পায় আৰু শৰীৰৰ ছালতো প্ৰভাৱ পৰে।
গা ধোৱাৰ লগে লগে শৰীৰত তেলেৰে মালিচ কৰিব লাগে। ইয়াৰ বাবে নাৰিকল তেল, অলিভ অইল আদি ব্যৱহাৰ কৰিব লাগে, কাৰণ এই অইলত পলিফিনল, ফেটি এচিড আৰু এন্টি অক্সিডেন্ট থাকে। এইবোৰে আমাৰ ছালৰ জিলিকনি বজাই ৰাখে। সৰিয়হ তেল আৰু আলমণ্ড তেলও ব্যৱহাৰ কৰিব পাৰি। মূৰৰ চুলিৰ বাবে নাৰিকল তেল আৰু সৰিয়হ তেল মিহলি কৰি লগাব, কাৰণ অকল নাৰিকল তেল চুলিত ব্যৱহাৰ কৰিলে চুলি শুকান হ'ব পাৰে। সেয়েহে ডাবুৰ সৰিয়হ আমলখি তেল ব্যৱহাৰ কৰিব পাৰে।
৪/ ওঁঠৰ যত্ন
আপুনি জানি আচৰিত হ’ব যে আমাৰ ওঁঠ আমাৰ ছালতকৈ ১০ গুণ বেছি খৰকৈ শুকাই যায়। শীতকালত শৰীৰৰ বেছিভাগ অংশ ঢাকি থোৱা থাকে, কিন্তু আমাৰ ওঁঠ নহয়। মানুহৰ ওঁঠৰ ছাল আটাইতকৈ সংবেদনশীল। ই শৰীৰৰ বাকী ছালৰ তুলনাত পাতল আৰু ইয়াৰ বাবে অধিক যত্নৰ প্ৰয়োজন।
ঠাণ্ডা আৰু শুকান বতাহে আমাৰ ওঁঠৰ ছাল ক্ষতিগ্ৰস্ত কৰি কঠিন কৰি তোলে। যত্ন লোৱা নহ’লে ওঁঠ ফাটি যায়, যিটো যিকোনো ব্যক্তিৰ বাবে এক কষ্টদায়ক অৱস্থা। কেৱল শীতকালতে নহয়, যিকোনো ঋতুতে ওঁঠৰ যত্ন লোৱাৰ বিশেষ প্ৰয়োজন আছে আৰু এই কথা মনত ৰাখিব লাগে।
লিপ বামে ওঁঠত তৰপ সৃষ্টি কৰি ওঁঠত আৰ্দ্ৰতা প্ৰদান কৰে। বজাৰত বিভিন্ন ব্ৰেণ্ডৰ লিপ বাম পোৱা যায়। কিন্তু কিনাৰ আগতে নিশ্চিতভাৱে ভাল কোম্পানীৰ সামগ্ৰীবোৰৰ প্ৰতি গুৰুত্ব দিব লাগে।
৫ / চুলিৰ যত্ন
শীতকালত চুলিৰো বিশেষ যত্নৰ প্ৰয়োজন হয়। আজিকালি উফিৰ সমস্যা বেছিকৈ দেখা যায়। উফি বাঢ়িলে চুলি সৰিবলৈ আৰম্ভ কৰে আৰু চুলিৰ বৃদ্ধিতো প্ৰভাৱ পৰে।
চুলিৰ যত্নৰ বাবে তেলেৰে মালিচ কৰাটো অতি প্ৰয়োজনীয়। ইয়াৰ বাবে আপুনি তিল তেল ,অলিভ অইল ,সৰিয়হ আৰু নাৰিকল তেল মিহলি কৰি ব্যৱহাৰ কৰিব পাৰে। মনত ৰাখিব যে তেল চুলিৰ গুৰিত লগাব লাগে। যদি উফি বেছি বাঢ়িছে তেনেহলে সৰিয়হৰ তেলত এচামুচ নেমুৰ ৰস মিহলাই চুলিৰ গুৰিত লগাব। তাৰ পিছত ডেৰ ঘণ্টাৰ পিছত মৃদু চেম্পুৰে মূৰটো ভালদৰে ধুব লাগে। ৰাতিপুৱাৰ ৰ'দত চুলি শুকুৱাব আৰু তিতা চুলি বান্ধি নাৰাখিব।
৬/ শীতকালীন ছালৰ যত্নৰ বাবে ঘৰুৱা দিহা :
• গ্লিচাৰিন
পানী আৰু সুগন্ধিৰ পিছত প্ৰসাধন সামগ্ৰীৰ ব্যৱহৃত তৃতীয় গুৰুত্বপূৰ্ণ উপাদান গ্লিচাৰিন। মইশ্ব’ৰাইজাৰ আৰু লোচনত ই আটাইতকৈ বেছি ব্যৱহাৰ কৰা উপাদান। গ্লিচাৰিনে আমাৰ ছালৰ বাহিৰৰ তৰপটোক হাইড্ৰেট কৰে। ছালখনক শুকান হোৱাৰ পৰা ৰক্ষা কৰে আৰু লগতে ফাটি যোৱা সোনকালে ভাল হোৱাতো সহায় কৰে।
ই এক প্ৰাকৃতিক যৌগ, যিটো উদ্ভিদ তেল আৰু পশুৰ চৰ্বিত পোৱা যায়। বিশুদ্ধ গ্লিচাৰিন গোলাপ পানীৰ লগত মিহলাই লগাব পাৰে। যদি আপুনিও খজুৱতি, ৰঙা পৰা আৰু ফোহা ওলোৱা লক্ষ্য কৰে তেন্তে ব্যৱহাৰ নকৰিব।
• নাৰিকল তেল আৰু সৰিয়হ তেল
আমাৰ সকলোৰে পাকঘৰত সৰিয়হ তেল থাকে। কিন্তু আমি প্ৰায়ে ইয়াক ছালৰ ব্যৱহাৰৰ বাবে আওকাণ কৰো। বহু গৱেষণাত কোৱা হৈছে যে নাৰিকল তেলত সৰিয়হ তেল মিহলি কৰি লগাব লাগে । আমাৰ ছালৰ বাবে প্ৰয়োজনীয় সকলো উপাদান এই তেলত থাকে। ই আমাৰ ছালক প্ৰদূষণ আৰু অন্যান্য কাৰণত হোৱা ক্ষতিৰ ক্ষতিপূৰণ দিয়ে। তদুপৰি ই ছালখনক বাহ্যিক সংক্ৰমণৰ পৰা ৰক্ষা কৰাত সহায় কৰে। ইয়াৰ উপৰিও ই ছালৰ বাবে প্ৰাকৃতিক মইশ্ব’ৰাইজাৰ হিচাপে কাম কৰে।
এনেদৰে ব্যৱহাৰৰ কৰিব :
• ৰাতি শুৱাৰ আগতে নাৰিকল তেলত সৰিয়হ তেল মিহলি কৰি লগালে আটাইতকৈ উপকাৰী।
• আঠৰ পৰা দহ টোপাল নাৰিকল তেল আৰু সৰিয়হ তেল দুয়োখন হাতৰ তলুৱাত লৈ হাতৰ তলুৱা ঘঁহিব।
• এতিয়া মুখখন তলৰ পৰা ওপৰলৈ লঘু হাতেৰে মালিচ কৰক।
• তেল সম্পূৰ্ণ শুকাই গ’লে পুনৰ এই প্ৰক্ৰিয়াটো পুনৰাবৃত্তি কৰক।
• পিছদিনা ৰাতিপুৱা গা ধোৱাৰ লগতে মুখখন ধুব।
• গাখীৰ আৰু বাদাম
শীতকালত ছাল ফটা আঁতৰাবলৈ গাখীৰ আৰু বাদামৰ মিশ্ৰণ ব্যৱহাৰ কৰিব । গাখীৰে আমাৰ ছালখন হাইড্ৰেট কৰাৰ লগতে দাগ কমোৱাত সহায় কৰে। গাখীৰে ছালখন ব্লিচিং কৰাত সহায় কৰে, যাৰ ফলত মুখৰ দাগ আৰু ফটা ভাল হয়। একে সময়তে বাদাম অইল প্ৰাকৃতিক ইমোলিয়েণ্ট, যিয়ে আমাৰ ছালত আৰ্দ্ৰতা বজাই ৰাখাত সহায় কৰে।
• পেট্ৰলিয়াম জেলী
ই খনিজ তেল আৰু মোমৰ মিশ্ৰণ। পেট্ৰলিয়াম ইয়াৰ আটাইতকৈ গুৰুত্বপূৰ্ণ অংশ, যিটো ছালৰ বাবে উপকাৰী। ই ছালৰ বাবে মইশ্ব’ৰাইজাৰ হিচাপে কাম কৰে। ছালৰ আঘাত আৰু অস্ত্ৰোপচাৰৰ পিছত ছালৰ যত্নতো ইয়াক ব্যৱহাৰ কৰা হয়। কেৱল মুখৰ চিকিৎসাতে নহয়, গোৰোহা ফাটি যোৱা আৰু ওঁঠ ফাটি যোৱা চিকিৎসাতো ইয়াৰ ব্যৱহাৰ কৰা হয়।
কিন্তু ইয়াক ব্যৱহাৰ কৰাৰ সময়ত সাৱধান হ’ব লাগে যাতে ই শৰীৰত প্ৰৱেশ নকৰে। শিশুৰ বাবে ব্যৱহাৰ নকৰিব। ঘৰত ব্যৱহৃত ভেছলিনো এবিধ পেট্ৰলিয়াম জেলী।
• কলৰ ফেচ পেক
কলত পৰ্যাপ্ত পৰিমাণৰ আৰ্দ্ৰতা আৰু এন্টিঅক্সিডেন্ট থাকে, যিয়ে আমাৰ ছালখন কোমল কৰাত সহায় কৰে। ব্ৰণ ৰোধ কৰাৰ লগতে মুখৰ আগতীয়া বলিৰেখাও ৰোধ কৰে। কলৰ ফেচ পেক বহু ধৰণে প্ৰস্তুত কৰা হয়।
ব্ৰণ থকা ছালৰ ক্ষেত্ৰত কল, নিম ,হালধি আৰু লং ফেচ পেক তৈয়াৰ কৰা হয়। তেলীয়া ছালৰ লোকে ফেচ পেকত কল আৰু অমিতা লগাব পাৰে।
• মৌৰ ফেচ পেক ঘৰতে এনেদৰে প্ৰস্তুত কৰক , যিটো শীতকালত শুকান ছালৰ বাবে উপকাৰী -
এটা বাটিত আধা কল লৈ পেষ্ট বনাওক।
তাত এচামুচ মৌ দিব।
এতিয়া এই ফেচ পেকটো মুখত লগাওক। ১৫ৰ পৰা ৩০ মিনিটৰ পিছত মুখখন ধুব লাগে। ছাল ফটা দূৰ কৰিব।
• কেঁচা গাখীৰ আৰু মৌ
কেঁচা গাখীৰত লেক্টিক এচিড আৰু আলফা হাইড্ৰক্সি এচিড থাকে। সৌন্দৰ্য্য সামগ্ৰী তৈয়াৰ কৰাত ইয়াৰ ব্যৱহাৰ বহুলভাৱে কৰা হয়। শীতকালত শুকান ছালৰ বাবেও ই এক উৎকৃষ্ট মইশ্ব’ৰাইজাৰ হিচাপে কাম কৰে। একে সময়তে মৌৱে ছালত আৰ্দ্ৰতা প্ৰদান কৰে। ইয়াৰ উপৰিও মুখৰ পৰা মৃত কোষ আঁতৰোৱাতো সহায় কৰে। এনেদৰে ব্যৱহাৰ কৰিব -
এচামুচ মৌ আৰু দুচামুচ কেঁচা গাখীৰ ল'ব। এই দুটা উপাদান মিহলাই ক্ৰীমযুক্ত পেষ্ট প্ৰস্তুত নোহোৱালৈকে মিহলাই থাকক। এতিয়া কপাহৰ সহায়ত মুখত বৃত্তাকাৰ ৰূপত লগাব। ১৫ৰ পৰা ২০ মিনিটৰ পিছত ঠাণ্ডা পানীৰে মালিচ কৰি মুখখন ধুব আৰু মইশ্বাৰাইজাৰ লগাব।
৭/ শীতকালীন ছালৰ যত্নৰ বাবে টিপছ :
ক/ প্ৰচুৰ পৰিমাণে কুহুমীয়া গৰম পানী খাব লাগে
শৰীৰত পানীৰ অভাৱো শীতকালত ছাল শুকান হোৱাৰ কাৰণ হ’ব পাৰে। শীতকালত পিয়াহ কম হোৱাৰ বাবে বেছিভাগ মানুহেই পানী খাবলৈ পাহৰি যায়। ইয়াৰ বাবে ছালত পৰ্যাপ্ত আৰ্দ্ৰতা নাপায় আৰু ছাল ফাটিবলৈ আৰম্ভ কৰে। এই অৱস্থা বেয়া হ’লে ছালখন শুকান হৈ পৰিব পাৰে আৰু আনকি পানীহীনতাও হ’ব পাৰে। সেয়ে শীতকালতো প্ৰচুৰ পৰিমাণে পানী খাব লাগে। এজন প্ৰাপ্তবয়স্কই শীতকালতো কমেও দিনটোত ২ লিটাৰ পানী খাব লাগে। একেলগে ২ লিটাৰ পানী খাই নিদিব। ২ ঘণ্টাৰ মূৰে মূৰে এগিলাছ কৈ খাব লাগে।
খ/ ঘৰতে স্ক্ৰাব বনাওক
শীতকালত ছালখন মইশ্ব’ৰাইজ কৰাটো গুৰুত্বপূৰ্ণ। ইয়াৰ উপৰিও ছালৰ পৰিষ্কাৰ-পৰিচ্ছন্নতাও গুৰুত্বপূৰ্ণ। এই স্ক্ৰাবে দুয়োটা কামেই কৰে। ঘৰতে প্ৰস্তুত কৰিব পাৰে। নাৰিকল তেল, চেনি বা মৌ আৰু নেমু মিহলাই এটা স্ক্ৰাব প্ৰস্তুত কৰিব পাৰি।
• আধা কাপ নাৰিকল তেল, ২ চামুচ চেনি আৰু এচামুচ নেমুৰ ৰস ভালদৰে মিহলাই লওক।
মনত ৰাখিব যে ই অলপ ডাঠ হৈ পৰে। ইয়াক কাঁচৰ বটলত ৰাখিব পাৰি। ২ দিনৰ মূৰে মূৰে ২০ মিনিটৰ বাবে মুখ বা দেহৰ ছালত স্ক্রাব কৰিব লাগে আৰু গা ধুব লাগে । আপুনি ফলাফল দেখিবলৈ আৰম্ভ কৰিব।
গ/ গা ধোৱাৰ সময়ত সাৱধান হওক
গৰম পানীৰে গা ধুই কোনে ভাল নাপায়, কিন্তু আপোনাৰ ছালৰ বাবে ভাল নহ'য় । বেছি গৰম পানীয়ে ছালৰ পৰা আৰ্দ্ৰতা শোষণ কৰি ছালখন শুকান কৰি তোলে। অত্যধিক গৰম পানী চুলিৰ বাবেও ক্ষতিকাৰক আৰু ই উফিৰ সাধাৰণ কাৰণ। কিন্তু শীতকালত ঠাণ্ডা পানীৰেও গা ধুব নোৱাৰে। সেইবাবেই কেৱল কুহুমীয়া পানীৰে গা ধুব লাগে আৰু গা ধোৱাৰ পিছত শৰীৰত তেলেৰে মালিচ কৰিব লাগে।
ঘ/ বাদাম তেল ব্যৱহাৰ কৰক
বাদাম তেলে ছালৰ লগতে চুলিৰ উজ্জ্বলতা বৃদ্ধি কৰে। ইয়াত ভিটামিন এ, ই, ওমেগা ৩ ফেটি এচিড আৰু জিংক আদি পুষ্টিকৰ উপাদান থাকে। ছালৰ যত্নৰ কথা ক’বলৈ গ’লে বাদাম তেলে চকুৰ তলৰ ক’লা দাগ কমায়। ব্ৰণৰ বাবেও ফলপ্ৰসূ। ছালখন শুকান হ’বলৈ নিদিয়ে আৰু লগতে সূৰ্যৰ পোহৰৰ ফলত হোৱা ক্ষতিৰ পৰাও ৰক্ষা কৰে।
ঙ/ গাখীৰৰ ক্ৰীম আৰু গোলাপ পানী
এনে বহু পুষ্টিকৰ উপাদান গাখীৰৰ ক্ৰীমত পোৱা যায়, যিবোৰ ছালৰ বাবে অতি উপকাৰী। একে সময়তে গোলাপৰ পানীয়ে আমাৰ ছালখন উজ্জ্বল কৰি তোলে। এই দুয়োটাকে ফেচ পেক হিচাপে প্ৰয়োগ কৰিলে লাভজনক হ’য়। ক্ৰীমত গোলাপ পানী মিহলাই লওক। এতিয়া এই পেকটো মুখখন সম্পূৰ্ণ শুকাই যোৱালৈকে মুখত ৰাখিব। ইয়াৰ পিছত মুখখন পানীৰে ধুব। কিছুদিন লগালে পাৰ্থক্য দেখা পাবলৈ আৰম্ভ কৰিব।
চ) নাৰিকল তেল
নাৰিকল তেল ছালৰ বাবে উৎকৃষ্ট টনিক বুলি ক’ব পাৰি। নাৰিকল তেলৰ বহু উপকাৰ আছে। ছালখন মইশ্ব’ৰাইজ কৰাই হওক বা দাগ কমোৱাই হওক, নাৰিকল তেল বহু পৰিমাণে ফলপ্ৰসূ। ব্ৰণৰ চিকিৎসাতো ই ফলপ্ৰসূ আৰু চকুৰ তলত আৰু মুখৰ সংবেদনশীল অংশ ওঁঠত প্ৰয়োগ কৰিব পাৰি।
শীতত এনেদৰে ছাল আৰু চুলিৰ যতন লৈ অধিক সৌন্দৰ্য্যময় হৈ থাকক। আশা কৰোঁ লিখনিটোৰ পৰা বহু উপকৃত হ'ব।
Porhi bohut val lagil
ReplyDeleteপঢ়ি ভাল লাগিলে
ReplyDelete