By Good Assam
বৃদ্ধি পোৱা প্ৰদূষণৰ বাবে মানুহে বহু সমস্যাৰ সন্মুখীন হৈছে, য’ত হৃদৰোগও অন্তৰ্ভুক্ত। এই বিষয়ে বিতংকৈ জানিবলৈ পঢ়িব -
বৃদ্ধি পোৱা প্ৰদূষণৰ বাবে বায়ু ক্ৰমান্বয়ে বিষাক্ত হৈ পৰিছে, যাৰ বাবে মানুহে বহু সমস্যাৰ সন্মুখীন হৈছে, য’ত হাৰ্ট এটেকৰ আশংকাও অন্তৰ্ভুক্ত। প্ৰদূষণে কেনেকৈ হাৰ্ট এটেকৰ সম্ভাৱনা বৃদ্ধি কৰে আৰু কেনেকৈ সুৰক্ষিত থাকিব পাৰি জানো আহক-
এইমছত কৰা অধ্যয়ন :
বৰ্তমান দিল্লীত প্ৰদূষণ এটা ডাঙৰ সমস্যা হৈ পৰিছে, যাৰ বাবে এই বায়ু সন্দৰ্ভত বহু ধৰণৰ অধ্যয়ন চলি আছে। এইমছত কৰা দুটা গৱেষণাৰ মতে বিষাক্ত বায়ুৰ বাবে মানুহৰ শৰীৰত ভিটামিন ডিৰ অভাৱ হয়, যাৰ বাবে হৃদৰোগী ৰোগীৰ সংখ্যা ক্ৰমাগতভাৱে বৃদ্ধি পাইছে।
এই সন্দৰ্ভত এইমছৰ হৰম’ন ৰোগ বিভাগৰ এজন অধ্যাপকে সংবাদ মাধ্যমৰ আগত কয় যে ইয়াৰ পূৰ্বে কৰা এক অধ্যয়নত এই কথাও পোহৰলৈ আহিছে যে দিল্লীৰ বহু অঞ্চলত অধিক প্ৰদূষণৰ বাবে ভিটামিন ডিৰ অভাৱ ৰাইজৰ মাজত বৃদ্ধি পাবলৈ আৰম্ভ কৰিছে। এনে পৰিস্থিতিত হৃদৰোগৰ সম্ভাৱনা বাঢ়িছে। ৰুমৰ ভিতৰত বহু সময় বহি বা সোমাই থাকিলেও ভিটামিন ডিৰ অভাৱ হয়। ইয়াৰ ফলত হৃদযন্ত্ৰৰ সমস্যা, যৌন সমস্যা, ৰোগ প্ৰতিৰোধ ক্ষমতা কমি যোৱা আৰু মানসিক চাপ, চিন্তা বা খং বঢ়াও আন বহুতো কাৰণ ভিটামিন ডিৰ অভাৱত হ'য়।
• প্ৰদূষণৰ ফলত হাৰ্ট এটেকৰ সম্ভাৱনা বৃদ্ধি পাইছে
এইমছৰ অধ্যাপক ৰাকেশ যাদৱে এক গৱেষণাৰ উদ্ধৃতি দি কয় যে প্ৰতি ঘনমিটাৰত প্ৰতি ১০ মাইক্ৰ’গ্ৰামত সৰু আকাৰৰ প্ৰদূষণ কণা পি এ ২.৫ ৰ মাত্ৰা বৃদ্ধিৰ বিপৰীতে মানুহৰ হাৰ্ট এটেকৰ সম্ভাৱনা ২.৫ শতাংশ বৃদ্ধি পায়। ইয়াৰ লগতে ধমনীত প্লেক গঠন, উচ্চ ৰক্তচাপ, হৃদৰোগ আদিৰ আশংকাও বাঢ়িছে বায়ু প্ৰদূষণৰ বাবে।
সেয়েহে সাৱধান হওঁক আৰু বায়ু প্ৰদূষণ ৰোধ কৰিবলৈ পেট্ৰোল বা ডিজেলৰ যান-বাহনৰ ঠাইত ইলেক্ট্ৰনিক ই-ৰিক্সা বা বাহন ব্যৱহাৰ কৰক আৰু অধিক গছ ৰোপণ কৰক।
