By Good Assam
কিছুমান অশুভ উদ্ভিদৰ কথাও বাস্তু শাস্ত্ৰত উল্লেখ কৰা হৈছে, যিবোৰ ঘৰতে ৰোপণ কৰিলে দুখ আৰু অশান্তি আহে । এনে গছ-গছনি ঘৰতে ৰোপণ কৰাটো শাস্ত্ৰত নিষিদ্ধ। এই বিষয়ে সকলোৱে জনা উচিত।
ঘৰতে কিছুমান গছ ৰোপণ কৰাটো ভাল আৰু উপকাৰী। গছ ৰোপণৰ দ্বাৰা ঘৰৰ পৰিবেশ বিশুদ্ধ হৈ থাকে আৰু ইতিবাচক পৰিবেশ বজাই ৰখে । হিন্দু শাস্ত্ৰত কিছুমান গছ-গছনি পূজাযোগ্য আৰু পবিত্ৰ বুলি গণ্য কৰা হয়। তুলসী, শমি, কল আদি এনে উদ্ভিদ, ঘৰতে ৰোপণ কৰিলে সুখ আৰু সমৃদ্ধি পোৱা যায়। কিন্তু, কিছুমান উদ্ভিদ আছে যিবোৰ অশুভ। এই গছবোৰ ৰোপণ কৰিলে ঘৰত দুখ আৰু অশান্তি আহিব পাৰে। এনে গছ-গছনি ঘৰতে ৰোপণ কৰাটো শাস্ত্ৰত নিষিদ্ধ। কোনবোৰ গছ ঘৰত ৰোপণ কৰাটো অশুভ জানো আহক-
• কপাহ গছ
যদিও কপাহ গছ দেখাত ধুনীয়া, তথাপিও ঘৰত কেতিয়াও ৰোপণ কৰিব নালাগে। বাস্তু শাস্ত্ৰত কপাহ গছক অশুভ বুলি গণ্য কৰা হয়, ঘৰতে ৰোপণ কৰিলে নেতিবাচক শক্তি আনে আৰু ঘৰত উত্তেজনাৰ পৰিৱেশ সৃষ্টি কৰে। গতিকে কপাহ গছ ঘৰতে ৰোপণ কৰিব নালাগে।
• তেতেলী গছ
তেতেলী খাবলৈ খুবেই ভাল, কিন্তু তেতেলী গছ জীৱনত সমস্যা হৈ পৰিব পাৰে। তেতেলী গছে ঘৰত ঋণাত্মক শক্তি আনে। যাৰ বাবে ঘৰৰ সুখ আৰু সমৃদ্ধি হেৰুৱাব পাৰে। ঘৰৰ ওচৰত তেতেলী গছ থাকিলে আঁতৰাই পেলাব লাগে।
• আহত গছ
আহত গছ বাস্তুৰ মতে শুভ নহয়। ঘৰত বা ওচৰতে স্থাপন কৰিব নালাগে। বাস্তু শাস্ত্ৰৰ মতে ঘৰত আহত (পাকৰি) গছ থাকিলে কাজিয়াৰ সৃষ্টি হয়। ইয়াৰ ফলত পৰিয়ালৰ সদস্যৰ মাজত প্ৰায়ে কাজিয়াৰ সৃষ্টি হয়। তাৰোপৰি আহত গছে ঘৰত দৰিদ্ৰতা কঢ়িয়াই আনে। গতিকে আহত গছ ঘৰত ৰোপণ কৰিব নালাগে।
• জেতুকা গছ
বাস্তু শাস্ত্ৰৰ মতে জেতুকা গছত অশুভ শক্তি বাস কৰে। গতিকে জেতুকা গছ ঘৰত ৰোপণ কৰিব নালাগে, ইয়াৰ কুশক্তিয়ে পৰিয়ালৰ সদস্যক প্ৰভাৱিত কৰে। জেতুকা গছৰ ফলত ঋণাত্মক শক্তিয়ে ঘৰত আধিপত্য বিস্তাৰ কৰে, সেয়েহে জেতুকা গছ ঘৰৰ ভিতৰত বা আশে-পাশে ৰোপণ কৰিব নালাগে।
• যি কোনো কাঁইটিয়া গছ আৰু বগা গাখীৰৰ দৰে আঠা ওলোৱা গছ অশুভ
সদায় মনত ৰাখিব যে যি কোনো কাঁইটিয়া গছ আৰু বগা গাখীৰৰ দৰে আঠা ওলোৱা গছ অশুভ । ইয়ে কাজিয়াৰ সৃষ্টি কৰে, এনে উদ্ভিদে লাভ যিমান কৰে তাৰে তিনি গুন লোকচানো কৰে। ঘৰৰ সদস্যৰ ৰোগ আদিও এনে উদ্ভিদৰ ফলতেই হ'য়।
• অন্যান্য কিছুমান গছ যেনে - বাহঁ গছ, ঔটেঙাৰ গছ, বগৰীৰ গছ, বেল গছ, নেমুৰ গছ, অমিতা গছ, আকন গছ, ৰাম তুলসী, ভোজ গছ আদি গছ ঘৰৰ ওচৰত ৰুব নালাগে। ইয়ে ঘৰখনলৈ অমংগল কঢ়িয়াই আনে।
