By Good Assam
কুকুৰ পোৱালিৰ যত্ন লোৱাটো হতাশাজনক হৈ পৰা বাতৰি : কুকুৰৰ মালিকসকলে স্বীকাৰ কৰিছিল যে কুকুৰ এটা ডাঙৰ কৰাৰ প্ৰথম ছমাহটো অত্যন্ত প্ৰত্যাহ্বানজনক। তেওঁলোকে প্ৰায়ে নিজৰ কুকুৰৰ পোৱালিটোৰ স্বাস্থ্যৰ প্ৰতি চিন্তিত হৈ মানসিক চাপ, হতাশ আৰু অনুশোচনা অনুভৱ কৰিছিল।
এটা কুকুৰ পোৱালি ঘৰলৈ অনাটোৱে এক নতুন আনন্দ কঢ়িয়াই আনে। ঘৰত সন্তান জন্মৰ লগে লগে কুকুৰ পোৱালি অনাটো আজিকালি ট্ৰেণ্ডত আছে। কিন্তু কুকুৰ পোৱালি এটা ডাঙৰ কৰিলে মানুহৰ স্বাস্থ্য নষ্ট হ'ব ধৰিছে । দৰাচলতে মেডিকেল জাৰ্নেল (npj Mental Health Research)ত প্ৰকাশিত এক অধ্যয়নৰ মতে, কুকুৰ পোৱালি ডাঙৰ কৰা লোকসকলে কুকুৰ পোৱালি পোৱাৰ প্ৰথম ছমাহতে উদ্বেগ, হতাশা আৰু ক্লান্তিৰ দৰে লক্ষণ লাভ কৰে।
বৈজ্ঞানিক ভাষাত এই ৰোগক ‘পাপি ব্লুজ’ বুলি কোৱা হয় :
এই গৱেষণাৰ মতে পশু চিকিৎসকে এই ৰোগ বা লক্ষণটোক বৈজ্ঞানিক ভাষাত পাপি ব্লুজ বুলি কয়। ইয়াত মালিকে নিজৰ কুকুৰ পোৱালিটোৰ যত্ন লোৱা, সময়মতে খুৱাব পৰা, তাৰ শুই থকা আৰু গা ধোৱা আদিৰ প্ৰতি ইমানেই সংবেদনশীল হৈ পৰে যে আনকি কুকুৰ পোৱালিটোক ডাঙৰ-দীঘল কৰাৰ কথা সকলো সময়তে ভাবি থাকিবলৈ আৰম্ভ কৰে। যাৰ বাবে তেওঁৰ মগজু সলনি হয় আৰু তেওঁ উদ্বেগ, হতাশা আৰু ক্লান্তিৰ দৰে লক্ষণ সমূহত ভোগা দেখা যায় । তেওঁৰ মানসিক স্বাস্থ্যৰ ওপৰত বেয়া প্ৰভাৱ পৰিবলৈ আৰম্ভ কৰে।
টোপনিৰ অভাৱ আৰু তীব্ৰ মানসিক ক্লান্তিৰ সৈতে যুদ্ধ কৰিবলগীয়া হ'য়:
অধ্যয়ন অনুসৰি কুকুৰৰ মালিকসকলে স্বীকাৰ কৰিছে যে কুকুৰ পালনৰ প্ৰথম ছমাহ অত্যন্ত প্ৰত্যাহ্বানজনক হয় । তেওঁলোকে প্ৰায়ে মানসিক চাপ, হতাশ, ভাগৰ অনুভৱ কৰিছিল আৰু কুকুৰ পোৱালিটোৰ স্বাস্থ্যৰ বাবে চিন্তা অনুভৱ কৰিছিল। একে সময়তে আৰম্ভণিতে সৰু হোৱাৰ বাবে ২৪ ঘণ্টাই কুকুৰ পোৱালিটোৰ যত্ন ল’বলগীয়া হৈছিল। গা ধুৱাই দিয়া , খোৱাৰ যত্ন আৰু স্বাস্থ্যৰ প্ৰতি অধিক সাৱধান হ’বলগীয়া হৈছিল। যাৰ বাবে টোপনিৰ অভাৱ আৰু তীব্ৰ মানসিক ক্লান্তিৰ সন্মুখীন হ’বলগীয়া হৈছিল। ইয়াৰ বাহিৰেও মানুহে নিজৰ কুকুৰৰ সঠিক যত্ন ল’ব নোৱাৰা অনুভৱ কৰিছিল।
মানসিক স্বাস্থ্যৰ এই পৰিৱৰ্তন সাময়িক আছিল । এই অধ্যয়নত আৰু স্পষ্ট কৰি দিয়া হৈছে যে মানুহৰ মানসিক স্বাস্থ্যৰ এই পৰিৱৰ্তন সাময়িক।
